МАН-ын 30 дугаар Их хурлын дараа МАН-аас УИХ-д сонгогдсон зарим гишүүд байр сууриа илэрхийлж байна. МАН-ыг магтан дуулах, шинээр сонгогдсон даргадаа тал засахын зэрэгцээ өрсөлдөгч намаа гутаан доромжлох өнгө аясыг УИХ-ын гишүүн Энхбаяр цухалзууллаа. Тэрбээр: - Ардчилсан намынхан өөрсдийгөө товойлгохын тулд “Ардын нам хуучинсаг, хөгшчүүд байдаг, муйхар, удаан, үг сонсдоггүй” гэж ярьсаар ирсэн. Өөрсдийгөө шинэчлэгч, шинэ үеийн түүчээ хэмээн дандаа ирээдүй цаг дээр тавьж, энэ ялгарлыг бий болгож, тэр хэрээрээ амжилтад хүрч байсан үе бий. Гэвч тэд маань яг энэ цаг хугацааны машиндаа суугаад гацчихсан. Нэг харсан чинь байр нь солигдчихсон, МАН-д АН-аас хавьгүй илүү олон либералууд, дэвшилтэт хандлагатай залуучууд түрээд гараад ирсэн байсан. Хэн бусдынхаа үгийг сонсохоо больж, өөрсдийгөө хөгжүүлэхээ болино тэр нь устаж үгүй болдог нь хорвоогийн жам аж гэж хэвлэлд ярилцлага өглөө. АН-ын тухайд тэр ингэж хэллээ. Дээр нь цөөнх арчаагүй байгаагаас болж олонхи нь дарангуйлагч болж харагдах нь бий гэж АН-ыг буруутгаж амжив.
Ц.ЭНХБАТ