ХАВРЫН ЧУУЛГАНААР 50 ГАРУЙ ХУУЛЬ БАТАЛНА

2022-03-15  

Хаврын чуулган гурван сар орчим хуралддаг. Намрын чуулгантай харьцуулахад харьцангуй богино хугацаатай. УИХ намрын ээлжит чуулганы хугацаанд 243 асуудал хэлэлцэн шийдвэрлэж, УИХ 75 өдөр чуулж, байнгын хороод 97 удаа, дэд хороо тав, түр хороо есөн удаа хуралдсан. Тэгвэл энэ удаагийн хаврын ээлжит чуулган өнөөдөр нээлтээ хийхээр товлолоо.

УИХ-ын 2022 оны хаврын ээлжит чуулганы хугацаанд хэлэлцүүлүүлэхээр УИХ дахь МАН-ын бүлгээс 24 санал, АН-ын бүлгээс 18, Засгийн газраас 26, Байнгын хорооноос 19, УИХ-ын гишүүнээс хоёр хууль, нэг тогтоолын төсөл, нийт 89 хууль, тогтоолын төсөл хэлэлцүүлэх санал ирүүлжээ. Түүнчлэн  цар тахлын үеийн нөхцөл байдалтай холбоотойгоор УИХ-д өргөн мэдүүлсэн хууль, тогтоолын төслийг тухай бүр хэлэлцэнэ гэж тусгажээ. Үүнээс “Монгол Улсын Их Хурлын 2022 оны хаврын ээлжит чуулганаар хэлэлцэх асуудлын тухай” УИХ-ын тогтоолын төслийг боловсруулахдаа 55 хууль хэлэлцэхээр дарааллыг нь тогтоосон байна.

Энэ удаагийн хаврын чуулганаар Монголын улс төрд реформ хийх томоохон хуулийн төслүүд хэлэлцэхээр хүлээгдэж байна. Тухайлбал, Улс төрийн хүрээнд олон жил хэлэлцүүлж, ярьж ирсэн Улс төрийн намын тухай хуулийн шинэчилсэн найруулгын төсөл, Ерөнхийлөгчийн тухай хууль, Хөгжлийн банкны тухай хуульд нэмэлт, өөрчлөлт оруулах, Үндэсний баялгийн сангийн анхдагч хуулийг хэлэлцэнэ. Тэгвэл энэ сард хэлэлцэх хуулийн төслийн дарааллыг УИХ-ын дарга Г.Занданшатар гаргав. Гуравдугаар сард хэлэлцэх асуудлын жагсаалтад Байгаль орчныг хамгаалах тухай хуульд нэмэлт оруулах тухай, Зарим төрлийн төрийн хяналт шалгалтын үйл ажиллагааг түр зогсоох тухай, Тагнуулын байгууллагын тухай хуульд нэмэлт, өөрчлөлт оруулах тухай хуулийн төслүүд багтсан байна. Мөн баасан гарагт Ерөнхий сайд “Газрын шинэтгэлийн бодлого, газрын харилцааны цахим системийн талаар” чуулганд мэдээлэл хийх юм.

Парламентын хаврын чуулганаар хэлэлцэх гол хуулиудыг танилцуулья

-Ашигт малтмалын тухай хуулийн төсөл /Шинэчилсэн найруулга/


-Аж ахуйн нэгжийн орлогын албан татвар, Хувь хүний орлогын албан татварын хуульд өөрчлөлт оруулах


-Дампуурлын хуулийн төсөл буюу Төлбөрийн чадваргүйдлийн тухай хуулийн төсөл /Шинэчилсэн найруулга/


-Зөрчлийн тухай хуулийн төсөл /Шинэчилсэн найруулга/;


-Иргэний болон захиргааны шүүхийн шийдвэр гүйцэтгэх тухай анхдагч хуулийн төсөл


-Ерөнхийлөгчийн тухай хуулийн төсөл


-Хөгжлийн банкны тухай хуульд нэмэлт, өөрчлөлт оруулах


-Өндөр насны тэтгэврийн доод хэмжээг нэмэгдүүлэх 


-Төрийн өмчийн тухай хуулийн төсөл


-Төрийн болон орон нутгийн өмчит компанийн тухай анхдагч хуулийн төсөл


-Төр, хувийн хэвшлийн түншлэлийн хууль


-Төрийн болон албаны нууцын тухай хуульд нэмэлт, өөрчлөлт оруулах


-Төрийн жинхэнэ албаны сонгон шалгаруулалтын тусгай журмын хууль


-Төрийн албан хаагчийн ёс зүйн хууль


-Тээврийн нэгдсэн хуулийн анхдагч хуулийн төсөл


-Улс төрийн намын тухай хуулийн төсөл


-Үндэсний баялгийн сангийн тухай анхдагч хуулийн төсөл


-Үндэсний их баяр наадмын тухай хуулийн төсөл


-Хүүхэд хамгааллын тухай хуульд нэмэлт, өөрчлөлт оруулах хуулийн төсөл


-Хөрөнгө оруулалтын тухай хуулийн төсөл /Шинэчилсэн найруулга/;


-Шүүх байгуулах тухай хуулийн төсөл


-Шүүхийн бус журмаар өр барагдуулах тухай анхдагч хуулийн төсөл;

 

Эх сурвалж: “Зууны мэдээ” сонин

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
DR UROLOGIST:Энэ нь олон нийтийн эрүүл мэндийн талаар урьдчилан мэдээлэх явдал юм Эмнэлэг нь ноцтой бөгөөд бөөрний хандивлагчдын эрүүл мэндийн тусламж үйлчилгээг яаралтай эрэлхийлж байгаа бөгөөд энэ нь 100 тэрбум до****ыг 780,000 ам.до****аар бөөрөөр нь зарж байна. Хэрэв хэн нэг нь бөөрний хандив өгөх хүсэлтэй байгаа бол DR.PRADHAN.UROLOGIST.LT.COL@GMAIL.COM хаягаар хандана уу. Та манай хамтран ажиллах вэбсайтыг www.drpradhanurologist.com сайтаас үзэж болно. 2022-03-18
Төстэй мэдээ
ХАВРЫН МОРИН УРАЛДААНЫГ СЭРГЭЭЖ, 14-ӨӨС ДЭЭШ НАСНЫ ХҮҮХДЭЭР МОРЬ УНУУЛАХ ХУУЛИЙН ТӨСЛИЙГ БАЙНГЫН ХОРОО ДЭМЖЛЭЭ
ШУУРХАЙ: ГУРВАН АЛБАН ТУШААЛТНЫ ЧӨЛӨӨЛӨГДӨХ ХҮСЭЛТИЙГ ЕРӨНХИЙ САЙД Н.УЧРАЛ ТАНИЛЦУУЛНА
Н.УЧРАЛ: ГАШУУНСУХАЙТЫН ГЭРЭЭНД ОЛОН УЛСЫН АУДИТ ХИЙЛГЭНЭ, МАН-ЫН САНХҮҮД Ч АУДИТ ОРУУЛНА
ЕРӨНХИЙЛӨГЧ У.ХҮРЭЛСҮХИЙГ ЧӨЛӨӨЛӨХИЙГ ТӨРИЙН БАЙГУУЛАЛТЫН БАЙНГЫН ХОРОО 77.8 ХУВИАР ДЭМЖЛЭЭ
УИХ 2027 ОНЫ ТӨСВИЙГ БАТАЛЛАА: ЗАРЛАГА 41.5 ИХ НАЯД ТӨГРӨГ
АТГ: ТУУЛЫН ХУРДНЫ ЗАМЫН 500 ТЭРБУМ ТӨГРӨГИЙН ХЭРЭГТ Х.НЯМБААТАР НАРЫН 6 ХҮНИЙГ ШАЛГАЖ БАЙНА
Х.НЯМБААТАР: ТӨМӨР ЗАМЫН ТЕНДЭРИЙГ НУУЦАД ОРУУЛЖ, 110 САЯ ДОЛЛАРЫН АВЛИГА ТАРААСАН
ЧИНГИС ХААНЫ ХӨРГИЙГ АРХИ, ТАМХИН ДЭЭР ТАВИХЫГ ХОРИГЛОХ ХУУЛЬ ГАРНА
АППЛИКЕЙШН ЗЭЭЛИЙН ХҮҮ 60 ХУВЬД ХҮРСЭН Ч СЗХ-НЫ ДАРГЫГ ЧӨЛӨӨЛСӨНГҮЙ: 94 ГИШҮҮНИЙ 54 НЬ ДЭМЖСЭНГҮЙ
«ЧӨЛӨӨЛЬЕ» САНААЧИЛГЫН ЦӨМ НЬ ТӨРИЙН ӨМЧИЙН РЕФОРМ: ТӨК-ИУДЫГ 2027–2030 ОНД ГУРВАН ҮЕ ШАТТАЙ ШИНЭЧИЛНЭ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?