ОРОСЫН ЗАСГИЙН ГАЗАР ПОЛЬШ, БОЛГАР УЛСУУДАД БАЙГАЛИЙН ХИЙ, НИЙЛҮҮЛЭХЭЭ ЗОГСООХ ШИЙДВЭР ГАРГАЛАА

2022-04-27  

ОХУ ямар орнуудад газрын тос, байгалийн хий нийлүүлдэг вэ?

ОХУ-ын засгийн газар Лхагва гарагаас эхлэн Польш, Болгар улсуудад байгалийн хий нийлүүлэхээ зогсоох болсныг өчигдөр зарлажээ.

Ингэснээр Украины хямрал Европ, Оросын эрчим хүчний салбарын хамтын ажиллагаанд шууд нөлөөлж эхэлж байна.

Москвагийн эрх баригчид байгалийн хийн төлбөрийг зөвхөн рублиэр хүлээж авах шаардлага тавиад байгаа. Европын Холбоо уг шаардлагыг зарчмын хувьд хүлээж авахаас татгалзсан юм.

Харин одоо Оросын талын өгсөн хугацаа өндөрлөж, эхнээсээ нийлүүлэлтээ зогсоож эхэлж байна.

Дараагийн ээлжид Европын бусад улсуудын хийн нийлүүлэлт зогсох нь тодорхой болжээ.

“Төлбөр тооцооны шинэ хэрэгслийг зөвшөөрөөгүй ямар ч худалдан авагч хангамжаа таслуулах бодит эрсдэлтэй тулгарлаа” гэж Оксфордын Хүрээлэнгийн эрчим хүчний судлаач Катя Яфимава ярьж байна.

“Европын засгийн газрууд байгалийн хийн нийлүүлэлт, эрэлтийнхээ аюулгүй байдлыг хамгаалах боломжит бүх арга хэмжээгээ авах цаг ирлээ” гэж Брюгел судалгааны хүрээлэнгийн судлаач Саймон Таглиапетра ярьжээ.

ОХУ-ын тал Европын худалдан авагчдыг Газпромбанканд рублийн болон гадаад валютын хоёр данстай байхыг шаардаж байгаа юм. Төлбөрөө гадаад валютаар хийсэн тохиолдолд Газпромбанк түүнийг нь рубльд хөрвүүлж, рублийн данс руу нь шилжүүлэх ажээ.

Харин энэхүү шаардлагыг биелүүлээгүй худалдан авагчдад нийлүүлэлтээ зогсоох юм.

Польш улсын засгийн газар ийм тасалдал үүсэхэд бэлтгэлтэй байсан бөгөөд Оросын байгалийн хийгүйгээр амьдрах төлөвлөгөөгөө Украины дайнаас ч өмнө боловсруулсан байсан гэж мэдэгджээ.

Тус улсын ОХУ-аас хий авах гэрээ энэ оны сүүлээр дуусаж байгаа ба цааш сунгахгүй гэдгээ Варшавын эрх баригчид өмнө нь хэд хэдэн удаа мэдэгдээд байсан юм.

Польш улс цаашид шингэрүүлсэн хий далайгаар тээвэрлэж авах ба энэ оны аравдугаар сард Норвеги улсаас хийн хоолой татаж эхлэхээр төлөвлөжээ.

Одоогоор тус улс байгалийн хийн хангалттай нөөцтэй байгаа, хэрэглэгчдэд хомсдол үүсэхгүйг мэдэгдсэн байна.

Болгар улсын хувьд мөн Оросын хийгээс хамаарлаа бууруулах арга хэмжээнүүдийг аваад байгаагаа мэдэгджээ. Тус улсад урин дулаан цаг ирсэн нь байгалийн хийн тасалдлын шууд нөлөөг бууруулж байгаа гэнэ.

Эх сурвалж: Bloomberg

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
ХАВРЫН МОРИН УРАЛДААНЫГ СЭРГЭЭЖ, 14-ӨӨС ДЭЭШ НАСНЫ ХҮҮХДЭЭР МОРЬ УНУУЛАХ ХУУЛИЙН ТӨСЛИЙГ БАЙНГЫН ХОРОО ДЭМЖЛЭЭ
ШУУРХАЙ: ГУРВАН АЛБАН ТУШААЛТНЫ ЧӨЛӨӨЛӨГДӨХ ХҮСЭЛТИЙГ ЕРӨНХИЙ САЙД Н.УЧРАЛ ТАНИЛЦУУЛНА
Н.УЧРАЛ: ГАШУУНСУХАЙТЫН ГЭРЭЭНД ОЛОН УЛСЫН АУДИТ ХИЙЛГЭНЭ, МАН-ЫН САНХҮҮД Ч АУДИТ ОРУУЛНА
ЕРӨНХИЙЛӨГЧ У.ХҮРЭЛСҮХИЙГ ЧӨЛӨӨЛӨХИЙГ ТӨРИЙН БАЙГУУЛАЛТЫН БАЙНГЫН ХОРОО 77.8 ХУВИАР ДЭМЖЛЭЭ
УИХ 2027 ОНЫ ТӨСВИЙГ БАТАЛЛАА: ЗАРЛАГА 41.5 ИХ НАЯД ТӨГРӨГ
АТГ: ТУУЛЫН ХУРДНЫ ЗАМЫН 500 ТЭРБУМ ТӨГРӨГИЙН ХЭРЭГТ Х.НЯМБААТАР НАРЫН 6 ХҮНИЙГ ШАЛГАЖ БАЙНА
Х.НЯМБААТАР: ТӨМӨР ЗАМЫН ТЕНДЭРИЙГ НУУЦАД ОРУУЛЖ, 110 САЯ ДОЛЛАРЫН АВЛИГА ТАРААСАН
ЧИНГИС ХААНЫ ХӨРГИЙГ АРХИ, ТАМХИН ДЭЭР ТАВИХЫГ ХОРИГЛОХ ХУУЛЬ ГАРНА
АППЛИКЕЙШН ЗЭЭЛИЙН ХҮҮ 60 ХУВЬД ХҮРСЭН Ч СЗХ-НЫ ДАРГЫГ ЧӨЛӨӨЛСӨНГҮЙ: 94 ГИШҮҮНИЙ 54 НЬ ДЭМЖСЭНГҮЙ
«ЧӨЛӨӨЛЬЕ» САНААЧИЛГЫН ЦӨМ НЬ ТӨРИЙН ӨМЧИЙН РЕФОРМ: ТӨК-ИУДЫГ 2027–2030 ОНД ГУРВАН ҮЕ ШАТТАЙ ШИНЭЧИЛНЭ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?