Аль вэ, би эхлээд, би би би гэдэг үзлийг, аль вэ, та дээшээ, та миний оронд дэвш гэдэг соёлыг Р. Амаржаргал л гэдэг хүн Монголд анх удаа нэвтрүүллээ. Тэр өөрөөсөө хавьгүй сул, дээр нь эмэгтэй хүнд өөрийнхээ байрыг тавьж өглөө. Түүний өмнө МАН-ын Хүрэлсүх УИХ-ын гишүүнээсээ татгалзаж, Д.Сарангэрэлийг өөрийнхөө оронд УИХ-ын гишүүн болгож байсан түүхтэй.
Р.Амаржаргалын хувьд ч парламентын гишүүнээ "өгчих" гээд байсныг судлаачид бас мэднэ. Тэрбээр улс төрд удсан ч улс төрөөр "солиортол өвчлөөгүй" эрүүл саруул сэтгэдэг хэвээрээ үлдсэн цөөхөн улс төрчийн нэг гэдгээрээ Монголын түүхэнд үлдэнэ. Тэр гэхдээ улс төрийг орхиогүй. Зөвхөн эрх ямбыг нь орхисон гэдгийг нь сануулах нь зөв болов уу.
Л.ГАНТУЯА
