Монгол Улс, Япон Улсын харилцаа хагас зууныг өртөөлөн урагшилж, эдүгээ ардчилал, хүний эрх, хуулийн засаглалын нийтлэг үнэт зүйлс, харилцан итгэлцэлд суурилсан Стратегийн түншлэлийн түвшинд гүнзгийрэн хөгжиж ирлээ. Хоёр улсын хооронд дипломат харилцаа тогтоосны 50 жилийн ойн хүрээнд Монгол, Японы хамтарсан “Сүүн зам” соёл, урлагийн наадам өргөн дэлгэр зохион байгуулагдаж байна. Энэхүү наадмыг санаачлан, хоёр орны нандин хэлхээ холбоог бататган бэхжүүлэх үйлсэд үнэтэй хувь нэмэр оруулж буй Япон Улсын Токүшима муж дахь Монгол Улсын Өргөмжит консул ноён Ш.Каваүчи болон урлагийн наадамд оролцож буй хоёр улсын уран бүтээлчид, зохион байгуулагч нарт гүн талархал илэрхийлье" гэж тус нээлтийн арга хэмжээнд биечлэн оролцсон УИХ-ын дарга Г.Занданшатар постоллоо.
