Юуны өмнө, энэ бол Гүндалай, түүний эхнэр Аззаяа нарынхтай зүйрлүүлэх гэр бүлийн төдий асуудал биш гэдгийг тодотгоё. Монголыг удирдаж байсан Н.Энхбаярын гэр бүлээс хэн нь дэвших вэ? гэсэн асуултад Захиргааны хэргийн шүүх хурал хариулт өгөх нь тодорхой боллоо.
МАХН-ын дарга Н.Энхбаярыг УИХ-ын сонгуульд өрсөлдөж болох эсэхийг өнөөдөр 15.30-д зарласан Захиргааны шүүх хурал шийдэх байсан ч хойшлогдлоо. Н.Энхбаяр "Би хүн алах гээгүй. Хүрээ талах гээгүй. Зүгээр л сонгуульд өрсөлдөх хүсэлтэй. Шударгаар шүүхийг хүсье. Ц.Элбэгдорж гар хуруугаа битгий дүрээрэй. Шүүх, шүүгчид хэнээс ч хамааралгүй ажилладаг гэдгээ үзүүлээсэй" гэж хүсэж буйгаа сэтгүүлч Мөнхбаясгалантай ярилцахдаа илэрхийлсэн.
.JPG)
Өөрийг нь дэвшихийг хориглох юм бол эхнэр О.Цолмонгоо дэвшүүлнэ гэдгээ ч нуусангүй. О.Цолмон бол Баасанхүү ч биш, Баянсэлэнгэ ч биш гэж тэр тодотгохоо мартсангүй. Түүнийг ард түмэндээ тушаана. Цолмон сонгогдсон тохиолдолд Элбэгдорж хаашаа ч зугтаж, бултаж чадахгүй гэх санааг ч бас Цензургүй яриа нэвтрүүлэгт орохдоо илэрхийлээд амжлаа гэж тоймчид дүгнэлээ. Ямар ч гэсэн УИХ-ын 75-р тойрогт эр нөхөр нь үү, эсвэл авааль гэргий нь үү? гэдгийн хариу маргааш хүртэл хойшилсон байна. Шүүх хурал нэг хоногийн завсарлага авчээ.
Д. ЭНХТҮВШИН
