УЛС ТӨРИЙН НАМД 27С АЯ ТӨГРӨГӨӨС ИЛҮҮ ХАНДИВ ӨГВӨЛ УЛСЫН ОРЛОГО БОЛГОНО

2023-04-20  

Төрийн байгуулалтын байнгын хорооны өчигдрийн  хуралдаанаар Улс төрийн намын тухай хуулийн шинэчилсэн найруулгын төслийг хэлэлцэн дэмжлээ. Тус хуулийн төслийг Ерөнхийлөгч санаачлан парламентад өргөн мэдүүлсэн билээ.  Өчигдрийн байнгын хорооны хуралд ЕТГ-ын дарга Я.Содбаатар оролцож, хуулийн төсөлд тусгасан онцлох заалтуудыг танилцуулж, гишүүдийн асуултад хариуллаа.

ЕТГ-ын дарга Я.Содбаатар: -18 жилийн дараа оруулж ирж байгаа хууль. Намыг бүртгэх асуудлыг сонгуулийн төв байгууллага хянаад, Улсын дээд шүүх рүү шилжүүлж байгаа. Шүүх хэзээ яаж шийдвэр гаргахыг тодорхой болгосон. Намыг бүртгэх шийдвэрийг нийтэд мэдээлснээс хойш ажлын таван өдрийн дотор сонгуулийн төв байгууллага гэрчилгээ олгох талаар хуулийн төсөлд оруулсан. Намуудад олгох санхүүжилтийн тухайд "Сонгуулийн дараа авсан суудалд нь намуудад дэмжлэг үзүүлдэг. Дөрвөн жилийн хугацаанд улсын төсвөөс улс төрийн намуудад 21 тэрбум төгрөгийн дэмжлэг олгосон байна.  Энэ удаагийн хуулийн өөрчлөлтөөр сонгогчдынх нь саналтай уялдуулж, улс төрийн намуудад төсвөөс санхүүгийн дэмжлэг үзүүлнэ. Сонгогчдоос дэмжлэг авахгүй тухайн улс төрийн намд дэмжлэг үзүүлэхгүй.

УИХ-ын гишүүн  Ж.Батсуурь: Улс төрийн намын ажилтны цалингийн хэмжээ, улс төрийн намын хөрөнгийн хэмжээг зааж өгсөн үү.

ЕТГ-ын дарга Я.Содбаатар:

-Улс төрийн намд бүртгэлтэй хөрөнгө бага болсон. Зарим нь төрийн бус байгууллагад шилжүүлээд, зарим нь аж ахуй нэгж рүү шилжүүлсэн байдаг. Эрх зүйн талаасаа маргаантай асуудал үүсэхээр болсон юм билээ. Тийм учраас өөрийн хөрөнгөөр оруулж ирж байгаа зүйл дээр төрийн санхүүжилтийн 50 хувиас хэтэрч болохгүй гэдэг хязгаар тавьж өгсөн.  Сонгуульт гишүүний татварын дээд хэмжээг жилдээ хөдөлмөрийн хөлсний доод хэмжээнээс хэтрүүлж болохгүй гэдэг хязгаарлалт тавьж өгсөн. Улс төрд мөнгөтэй хүн ордог тогтолцоог халж, чадалтай боловсролтой хүмүүсийн оролцоог нэмэгдүүлэх зорилгоор хязгаарлалт хийсэн.

УИХ-ын гишүүн Ц.Мөнх-Оргил:

-Намын дотоод асуудлыг өмнөх хуулиар их зохицуулсан юм билээ. Энэ хуульд тэр алдаанаасаа сураад орхио юу гэж ойлгогдсон. Улс төрийн намуудын санхүүжилтийн хууль гэж тусдаа хувилбар оруулж ирэх бололцоотой юу. Хуульд улс төрийн намд ямар нөхцөлтэйгээр хамгийн дээд хандив өгч болох юм бэ гэдгийг ойлгомжтой болгомоор байна. Сонгуулиар ингэж өгнө, бусад үед ингэж өгнө гэдгийг ойлгомжтой болгох.

ЕТГ-ын дарга Я.Содбаатар:

-Улс төрийн намын санхүүжилтийг сонгуулийн үеийн санхүүжилт, сонгуулийн үеийн бус санхүүжилт гэж хоёр хуваадаг. Гэхдээ энэ удаад бид нэгтгээд нэг хуульд оруулаад ирсэн. Хандивыг нэлээн тодорхой болгож өгсөн. Улс төрийн намд хуулийн этгээд жилдээ 27 сая төгрөг, хувь хүн зургаан сая гаруй төгрөг хандивлах боломжтой байхаар зааж өгсөн. Үүнээс илүү хандив өгөх нь хориотой. Илүү өгвөл улсын орлого болгоно.

Эх сурвалж: “Зууны мэдээ” сонин

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
ХАВРЫН МОРИН УРАЛДААНЫГ СЭРГЭЭЖ, 14-ӨӨС ДЭЭШ НАСНЫ ХҮҮХДЭЭР МОРЬ УНУУЛАХ ХУУЛИЙН ТӨСЛИЙГ БАЙНГЫН ХОРОО ДЭМЖЛЭЭ
ШУУРХАЙ: ГУРВАН АЛБАН ТУШААЛТНЫ ЧӨЛӨӨЛӨГДӨХ ХҮСЭЛТИЙГ ЕРӨНХИЙ САЙД Н.УЧРАЛ ТАНИЛЦУУЛНА
Н.УЧРАЛ: ГАШУУНСУХАЙТЫН ГЭРЭЭНД ОЛОН УЛСЫН АУДИТ ХИЙЛГЭНЭ, МАН-ЫН САНХҮҮД Ч АУДИТ ОРУУЛНА
ЕРӨНХИЙЛӨГЧ У.ХҮРЭЛСҮХИЙГ ЧӨЛӨӨЛӨХИЙГ ТӨРИЙН БАЙГУУЛАЛТЫН БАЙНГЫН ХОРОО 77.8 ХУВИАР ДЭМЖЛЭЭ
УИХ 2027 ОНЫ ТӨСВИЙГ БАТАЛЛАА: ЗАРЛАГА 41.5 ИХ НАЯД ТӨГРӨГ
АТГ: ТУУЛЫН ХУРДНЫ ЗАМЫН 500 ТЭРБУМ ТӨГРӨГИЙН ХЭРЭГТ Х.НЯМБААТАР НАРЫН 6 ХҮНИЙГ ШАЛГАЖ БАЙНА
Х.НЯМБААТАР: ТӨМӨР ЗАМЫН ТЕНДЭРИЙГ НУУЦАД ОРУУЛЖ, 110 САЯ ДОЛЛАРЫН АВЛИГА ТАРААСАН
ЧИНГИС ХААНЫ ХӨРГИЙГ АРХИ, ТАМХИН ДЭЭР ТАВИХЫГ ХОРИГЛОХ ХУУЛЬ ГАРНА
АППЛИКЕЙШН ЗЭЭЛИЙН ХҮҮ 60 ХУВЬД ХҮРСЭН Ч СЗХ-НЫ ДАРГЫГ ЧӨЛӨӨЛСӨНГҮЙ: 94 ГИШҮҮНИЙ 54 НЬ ДЭМЖСЭНГҮЙ
«ЧӨЛӨӨЛЬЕ» САНААЧИЛГЫН ЦӨМ НЬ ТӨРИЙН ӨМЧИЙН РЕФОРМ: ТӨК-ИУДЫГ 2027–2030 ОНД ГУРВАН ҮЕ ШАТТАЙ ШИНЭЧИЛНЭ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?