“ГИШҮҮН БОЛООД Ч ХЭРЭГ БАЙНА УУ ДАА” ГЭЖ ГИШҮҮД ЯРЬДАГ БОЛЖЭЭ

2023-06-16  

Үндсэн хуулийг өөрчлөөд арав гаруй хонов. Дагаад УИХ-ын сонгуулийн тухай хуулийг өөрчилж байна. Дагалдах бусад хуулийг өөрчилнө. Ингэснээр УИХ-ын дараагийн сонгуулиас эхлээд 126 гишүүнийг холимог тогтолцоогоор тодруулна. Үндсэн хуульд нийцүүлсэн өөрчлөлтийг бусад хуульд оруулах үеэр эмэгтэйчүүдийн квот зэргийг асар их анхаарцгааж байгаа дүр зураг харагдлаа. “30 уу”, “40 үү” гээд нийгмээрээ хэлэлцэж байх жишээтэй. Гэхдээ эмэгтэйчүүдийн төлөөлөл УИХ-д хүч түрэх нь цагийн эрхээр хийх л ёстой өөрчлөлт юм. Хэдхэн жилийн дараа бүх улсын гишүүдийнх нь 50 хувь эмэгтэйчүүд болно. Ийм л юм. Хамгийн гол нь энэ бүхний дараа УИХ-ын гишүүд хувийн ашиг сонирхлоо хойш тавих хэрэгтэй болж байна. Товчхон хэлэхэд, гишүүн болох юм бол хувийн эрх ашигт нь халтай болно гэсэн үг.

Учир нь удахгүй Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд өөрчлөлт оруулна. Үүгээр хамаарал бүхий этгээдүүдээ дарга болгож болохгүй. Эзэмшдэг компани нь төрийн тендерт орох хориотой. Ийм болно. Дээрээс нь Засгийн газрын уржигдрын ээлжит бус хуралдаанаар Авлигатай тэмцэх үндэсний хөтөлбөр батлах тухай УИХ-ын тогтоолын төслийг хэлэлцээд УИХ-д өргөн мэдүүлэхээр шийджээ. Энэ хөтөлбөрт УИХ-ын гишүүд, сайд дарга нарт халтай заалт нэлээд багтсан байна. Тийм учраас сайд нар уг хөтөлбөрийг бүгдээрээ алга ташаад дэмжчихээгүй байна. Хэд хэдэн сайд уг хөтөлбөрийн эсрэг зогсжээ.

Мөн Засгийн газрын дээрх шийд гарсны дараа зарим гишүүн, өндөр албан тушаалтнууд “Ер нь төрд ажиллах хүн үлдэх юм уу. Энэ хууль, хөтөлбөрүүд хамаг зүйлийг түгжих юм байна” гэж бухимдаж уурссан сурагтай.

Харин хууль хяналтынхан үүнийг “Авлигатай тэмцэхэд том түлхэц өгөх анхны бөгөөд эцсийн боломж” хэмээн хүлээж авч буй ажээ.

Түүнчлэн Авлигын эсрэг хөтөлбөрийг батлах үеэр шүүхийн ил тод байдлын тухай хууль, шүүх дээр гацаж байгаа хэргүүдийг шуурхай шийдвэрлэх процессын хуулиудад өөрчлөлт оруулах чиглэлийг холбогдох албан тушаалтнуудад өгсөн байна.

Энэ бүхний дараа өндөр албан тушаалтнуудын авлига авах боломж бараг хаагдаж таарна. Ялангуяа УИХ-ын гишүүд бол 30 жил явж ирсэн дархлаа, давраа хоёроосоо сална.УИХ-ын гишүүд мөн ч том амьтад явж ирлээ шүү дээ. Одоо ч тийм байна. Аймагтаа бол хаад нь болчихсон. Сонгогдсон аймгийнхаа бүх асуудлыг гишүүд л шийддэг. Тендерийг гишүүн мэднэ. Томилгоог гишүүн хийнэ. Лицензийг гишүүн олгоно. Газрыг гишүүн өгнө. Хамгийн гол нь эрхэм гишүүн хэрэгт холбогдсон ч дархан эрх нь хамгаалалтын бат цайз болдог. Ерөнхий прокурор барахгүй. Иргэд бүр ч дийлэхгүй. Харин ирэх сонгуулиар гарч ирсэн гишүүд шал өөр тоглоомын дүрмээр ажиллана. Авлига авах “эрхгүй” болчихоор АТГ, прокурор, иргэдээр чангаалгаад байхгүй. Яагаад гэхээр өмнөх гишүүдийг бодвол эрх мэдлээ хоёр дахин хасуулчихаж байгаа юм. Тэгээд бас нутгархахгүй, тойрогжихгүй. Тийм боломжгүй. Жишээ нь, улсын төсвийн хөрөнгө оруулалт нийгмийн суурь асуудлуудыг шийдвэрлэхэд илүүтэй төвлөрдөг болно. Тиймээс одоогийн УИХ-ын гишүүд “Гишүүн болоод ч хэрэг байна уу даа” гэж яриад л сууж байдаг болжээ. Гэхдээ эв нь таарвал дахиад дэвшчих хүслээсээ хэд нь татгалзах бол доо.

Эх сурвалж: Өдрийн сонин

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
ХАВРЫН МОРИН УРАЛДААНЫГ СЭРГЭЭЖ, 14-ӨӨС ДЭЭШ НАСНЫ ХҮҮХДЭЭР МОРЬ УНУУЛАХ ХУУЛИЙН ТӨСЛИЙГ БАЙНГЫН ХОРОО ДЭМЖЛЭЭ
ШУУРХАЙ: ГУРВАН АЛБАН ТУШААЛТНЫ ЧӨЛӨӨЛӨГДӨХ ХҮСЭЛТИЙГ ЕРӨНХИЙ САЙД Н.УЧРАЛ ТАНИЛЦУУЛНА
Н.УЧРАЛ: ГАШУУНСУХАЙТЫН ГЭРЭЭНД ОЛОН УЛСЫН АУДИТ ХИЙЛГЭНЭ, МАН-ЫН САНХҮҮД Ч АУДИТ ОРУУЛНА
ЕРӨНХИЙЛӨГЧ У.ХҮРЭЛСҮХИЙГ ЧӨЛӨӨЛӨХИЙГ ТӨРИЙН БАЙГУУЛАЛТЫН БАЙНГЫН ХОРОО 77.8 ХУВИАР ДЭМЖЛЭЭ
УИХ 2027 ОНЫ ТӨСВИЙГ БАТАЛЛАА: ЗАРЛАГА 41.5 ИХ НАЯД ТӨГРӨГ
АТГ: ТУУЛЫН ХУРДНЫ ЗАМЫН 500 ТЭРБУМ ТӨГРӨГИЙН ХЭРЭГТ Х.НЯМБААТАР НАРЫН 6 ХҮНИЙГ ШАЛГАЖ БАЙНА
Х.НЯМБААТАР: ТӨМӨР ЗАМЫН ТЕНДЭРИЙГ НУУЦАД ОРУУЛЖ, 110 САЯ ДОЛЛАРЫН АВЛИГА ТАРААСАН
ЧИНГИС ХААНЫ ХӨРГИЙГ АРХИ, ТАМХИН ДЭЭР ТАВИХЫГ ХОРИГЛОХ ХУУЛЬ ГАРНА
АППЛИКЕЙШН ЗЭЭЛИЙН ХҮҮ 60 ХУВЬД ХҮРСЭН Ч СЗХ-НЫ ДАРГЫГ ЧӨЛӨӨЛСӨНГҮЙ: 94 ГИШҮҮНИЙ 54 НЬ ДЭМЖСЭНГҮЙ
«ЧӨЛӨӨЛЬЕ» САНААЧИЛГЫН ЦӨМ НЬ ТӨРИЙН ӨМЧИЙН РЕФОРМ: ТӨК-ИУДЫГ 2027–2030 ОНД ГУРВАН ҮЕ ШАТТАЙ ШИНЭЧИЛНЭ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?