Х.НЯМБААТАР: БОГД УУЛЫН АМАНД ОТОГ БАЙДЛААР ОЛГОГДСОН ГАЗРУУДЫГ ЖУРАМЛАХ, ЦЭГЦЛЭХ ШААРДЛАГАТАЙ

2023-08-16  

Засгийн газрын хуралдаанаас гарсан шийдвэрийн талаар мэдээлэл өглөө.

Хууль зүй, дотоод хэргийн сайд Х.Нямбаатар: Өнөөдрийн хуралдаанаар үерийн гамшигтай холбогдуулан цаашид нийслэл Улаанбаатар хотыг гамшгийн эрсдэлээс урьдчилан сэргийлэх, гамшгийн хор уршгийг арилгах, нийслэлийн хот төлөвлөлт, газар зохион байгуулалттай холбоотой зарим арга хэмжээний тухай Засгийн газрын тогтоолыг хэлэлцэн баталлаа. Сүүлийн үед цаг уурын өөрчлөлттэй холбоотойгоор үер усны аюул ойр ойрхон тохиож байна. Үүнтэй холбогдуулан газар зохион байгуулалт, төлөвлөлтийг дахин авч үзэх, газрын харилцааг зохицуулж буй суурь хуулиудыг бүхэлд нь өөрчлөхөөр болсон. Маш олон газрууд газар олголтыг зохион байгуулсны улмаас сүүлийн 30 гаруй жилийн хугацаанд газрын төлөвлөлт, зохион байгуулалт алдагдсан. Ийм учраас Газрын тухай хуулийг багцаар нь Барилга, хот байгуулалтын сайд Ц.Даваасүрэн болон миний бие хамтарч УИХ-ын намрын чуулганд өргөн барих үүрэг даалгаврыг Ерөнхий сайд өгсөн.

Өргөн барихдаа газрыг цэгцтэй олгодог, өмнө нь замбараагүй олгосон газруудыг эргэн харах, цуцлах, хүчингүй болгох суурь харилцаануудыг шингээнэ. Тухайлбал Богд уулын аманд отог байдлаар олгогдсон газрын эрх зүйн харилцааг журамлах, цэгцлэх шаардлага бий болж байна.

Хууль эрх зүйн шилжилт хийх гэж байгаатай холбоотойгоор Нийслэлийн Засаг даргад шинээр дахин газар олголтын захирамж гаргахгүй байх үүрэг даалгавар өгсөн.

Мөн хэд хэдэн удаагийн давтамжтай болсон үерийн гамшгийн хор уршгийн талаар шинжээчийн дүгнэлт гаргахыг ОБЕГ-т даалгасан. Энэ дүгнэлтийн дагуу голын ай савд, усны урсцыг хааж боож барилга барьсан, гамшиг учруулсан аж ахуйн нэгжүүдийг иргэний журмаар хохирол нэхэмжлэх асуудлыг холбогдох албан тушаалтнуудад даалгалаа

Эх сурвалж: Өдрийн сонин

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Төстэй мэдээ
ХАВРЫН МОРИН УРАЛДААНЫГ СЭРГЭЭЖ, 14-ӨӨС ДЭЭШ НАСНЫ ХҮҮХДЭЭР МОРЬ УНУУЛАХ ХУУЛИЙН ТӨСЛИЙГ БАЙНГЫН ХОРОО ДЭМЖЛЭЭ
ШУУРХАЙ: ГУРВАН АЛБАН ТУШААЛТНЫ ЧӨЛӨӨЛӨГДӨХ ХҮСЭЛТИЙГ ЕРӨНХИЙ САЙД Н.УЧРАЛ ТАНИЛЦУУЛНА
Н.УЧРАЛ: ГАШУУНСУХАЙТЫН ГЭРЭЭНД ОЛОН УЛСЫН АУДИТ ХИЙЛГЭНЭ, МАН-ЫН САНХҮҮД Ч АУДИТ ОРУУЛНА
ЕРӨНХИЙЛӨГЧ У.ХҮРЭЛСҮХИЙГ ЧӨЛӨӨЛӨХИЙГ ТӨРИЙН БАЙГУУЛАЛТЫН БАЙНГЫН ХОРОО 77.8 ХУВИАР ДЭМЖЛЭЭ
УИХ 2027 ОНЫ ТӨСВИЙГ БАТАЛЛАА: ЗАРЛАГА 41.5 ИХ НАЯД ТӨГРӨГ
АТГ: ТУУЛЫН ХУРДНЫ ЗАМЫН 500 ТЭРБУМ ТӨГРӨГИЙН ХЭРЭГТ Х.НЯМБААТАР НАРЫН 6 ХҮНИЙГ ШАЛГАЖ БАЙНА
Х.НЯМБААТАР: ТӨМӨР ЗАМЫН ТЕНДЭРИЙГ НУУЦАД ОРУУЛЖ, 110 САЯ ДОЛЛАРЫН АВЛИГА ТАРААСАН
ЧИНГИС ХААНЫ ХӨРГИЙГ АРХИ, ТАМХИН ДЭЭР ТАВИХЫГ ХОРИГЛОХ ХУУЛЬ ГАРНА
АППЛИКЕЙШН ЗЭЭЛИЙН ХҮҮ 60 ХУВЬД ХҮРСЭН Ч СЗХ-НЫ ДАРГЫГ ЧӨЛӨӨЛСӨНГҮЙ: 94 ГИШҮҮНИЙ 54 НЬ ДЭМЖСЭНГҮЙ
«ЧӨЛӨӨЛЬЕ» САНААЧИЛГЫН ЦӨМ НЬ ТӨРИЙН ӨМЧИЙН РЕФОРМ: ТӨК-ИУДЫГ 2027–2030 ОНД ГУРВАН ҮЕ ШАТТАЙ ШИНЭЧИЛНЭ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?