МАН-ынхан дэндүү эрдэж, бярдаж байна. Өнөөдөр та нар олуулаа байна. Та нарт ямар ч саад алга. Үндсэн хуулийг ч өөрчлөх боломж та нарт байна. АН бол хариуцлагаа хүлээж чаддаг нам. Тиймдээ ч сонгуулийн дүнг зөвшөөрсөн. Бид энд 9-үүлээ байна. Бид цөөнхийн үүргээ гүйцэтгэнэ. Иргэд сонгогчдынхоо өмнөөс үгээ хэлж, хяналтаа ч тавина. Нэг зүйлийг сануулъя, та нөхдөд. МАН бол 45%, АН-35%, МАХН-13% санал авсан. Харин суудлын тоо бол энэнтэйгээ дүйцэхгүй байгаа. Цөөнх гээд байгаа 10 гишүүнд Монголын сонгогчдын дийлэнх нь саналаа өгсөн байдаг шүү. Тэгэхлээр цөөнх гэж үзэлгүй цөөн гишүүддээ хүндэтгэлтэй хандахыг хүсье. Та нарын хэлж байгаа үг, авирлаж буй зан ааш бүгдийг түүхийн хуудаснаа бичиж хадгална. АН ард иргэдтэйгээ хамт байна. Тэднийгээ өмгөөлөн хамгаална.
Л.ГАНТУЯА