МАН-ын Удирдах зөвлөлөөс өчигдөр шинэ Засгийн газрын бүтцэд орж ажиллах сайд нарынхаа нэрийг тодруулсан. Өчигдөр болсон МАН-ын Удирдах зөвлөлийн хурал дээр сайд нарын томилгоог шууд уншиж танилцуулсан бөгөөд нэг ч гишүүдийн санал тусгагдаагүй, хэн томилгоо явуулсныг нь мэдээгүй гэх байр суурийг нам дотроосоо илэрхийлээд байгаа.
Харин УИХ дахь МАН-ын бүлэг ээлжит бусаар хуралдхаар 14 цагт товлосон ч хойшлон яг одоо 15.30 минутаас хуралдах гэж байна. Тус бүлгийн хуралдаанаар шинэ засгийн газрын бүтцэд орж ажиллах сайд нарын асуудлыг хэлэлцэх юм. Эх сурвалжуудын мэдээлэлж байгаагаар бүлгийн хуралдаан дээр нэр бүхий гишүүд, одоогоор нэр нь тодроод байгаа сайд нарын нэрийг нууц санал хураалтаар дахин тодруулах горимын санал оруулах тохироог хийсэн байна. Ингэснээр 3-4 сайдын нэр солигдох боломжтой гэх мэдээлэл өгч буй юм.
Л.ГАНТУЯА
