Control.mn энэ өдрөөс эхлэн ОДОН БӨМБӨГТЭЙ СПОРТ шинэ булан нээлээ. Энэ буланг Монгол улсын З удаагийн аварга, олон улсын хэмжээний мастер Э.Лхагвасүрэн хөтөлнө. Хамгийн эхний нийтлэлээ Рио-2016 олимпийн аварга Ма Лонгийн тухай бичсэнийг толилуулж байна.
МА ЛОНГ РИО 2016 ОЛИМПИЙН АВАРГА БОЛСНООР ДЭЛХИЙН CAREER ИХ ДУУЛГЫН АВАРГААР ӨРГӨМЖЛӨГДЛӨӨ
1988 оны 10-р сарын 20-нд төрсөн Ма Лонг 5-н настайгаасаа эхлэн ширээний теннисээр хичээллэж эхэлсэн. Тэр багаасаа л хятадын мэргэжилтнүүдийн хараанд өртсөн гэдэг. Дөнгөж 15-н настайдаа буюу 2003 онд мянга мянган теннисчидийн хүсэл мөрөөдөл болсон Хятадын шигшээ багт түүнийг элсүүлсэн байдаг. Тэр цагаас хойш Ма Лонг тухай маш ирээдүйтэй тамирчин гэж теннисний ертөнц шуугиж эхэлсэн.
Гэвч дэлхийн том тэмцээнүүдэд үргэлж багийн анд Zhang jike-гийн амжилтанд Ма Лонг дарагдсаар байлаа. Харин сүүлийн 2 жил бол МА ЛОНГийн хувьд маш амжилттай жилүүд байв. Тэр өөрийн хүсэл мөрөөдлийг энэ 2 жилийн дотор гүйцэлдүүлж, олон түмний хүлээлтийг ч ажжилтаараа хариулж чадлаа. Тэрбээр 2015 оны дэлхийн цомын аварга, 2015 оны дэлхийн аварга 2016 оны РИО ДЕ ЖАНЕЙРО хотод зохиогдсон 31 дэхь олимпод нэг бүрчилсэн төрөлд түрүүлснээр дэлхийн 10 дахь, Хятад улсын 9 дэх ИХ ДУУЛГЫН АВАРГА ЦОЛОНД хүрсэн.
Түүний амжилтуудыг жагсаавал ;
Нэг : Ази Тивийн АШТ : 2009, 2011, 2013
Хоёр : Ази Тивийн Цомын АШТ : 2008, 2009, 2011, 2014
Гурав : Азийн наадмын АШТ : 2010
Дөрөв : Дэлхийн нээлттэй тэмцээний финалын АШТ World tour grand final : 2015
Тав : Дэлхийн Цомын АШТ 2012, 2015
Зургаа : Дэлхийн АШТ : 2015
Долоо : Олимпын АШТ : 2016
Энэ тэмцээнүүдэд аваргалснаас гадна, 2011 оны Хятад улсын аварга, 2013 оны Хятадын БАТС-н аварга гэдгээрээ Хятад улс болон дэлхийн бүх том тэмцээний аварга болж чадсан гайхамшигтай тамирчин юм.
/ Конг Лин Хуй /
/ Ли Гу Лянь /
/ Жан жэйк /
/ Ян Увэ Валднер /
Түүний өмнөх, эрэгтэй , Их Дуулгын аварга болох Liu Guoliang, Konglinghui, Zhangjike нар Азийн наадмын аварга болоогүй, Liu Guoliang, Zhang jike нар Азийн аварга болоогүй, Jan Ove Waldner, Liu guoliang, Zhang jike нар Дэлхий нээлттэй тэмцээний финалын аварга болж чадаагүй Мөн Liu Guoliang, Konglinghui, Zhangjike нар Хятадын БАТС-н АШТ-д аварга болж чадаагүй байна. Тэр бүх үзүүлэлтээрээ цаг үеийн Их Дуулгын аварга болов. Бүх Хятадын аваргад түрүүлэх нь Олимп, дэлхийн аваргад түрүүлэхээс ч хүнд хэцүү гэдэг яриа үүссэн. Яагаад гэвэл, Хятад доторхи өрсөлдөөн хамгийн өндөр гэж тамирчид нь үздэг. Ма Лонг бол бүх төрөлд түрүүлсэн Их Дуулгын аварга гэдгээрээ түүхэнд нэгдүгээрт бичигдэж эхэллээ.
Э.ЛХАГВАСҮРЭН (Олон улсын хэмжээний мастер, улсын 3 удаагийн аварга)