ОХУ-ын Москва хотод Олон улсын циркчдийн тэмцээн энэ сарын 2-5-ны өдрүүдэд зохион байгуулагджээ. Тус тэмцээнд манай улсын циркийн жүжигчид уран нугаралтын төрлөөр оролцож, мөнгөн цом хүртсэн байна.
Тус наадам энэ жил 15 дахь удаагаа ОХУ-ын алдарт жүжигчин Юрия Никулины 95 насны ойн хүрээнд зохион байгуулагдсан бөгөөд тэмцээнд БНАСАУ, БНХАУ, ОХУ зэрэг 20 гаруй орны циркчин уран нугаралтын үзүүлбэрээр өрсөлджээ. Үүнээс Буриад улсын төрийн шагналт, Урлагийн гавьяат зүтгэлтэн Ц.Сэлэнгэ багштай таван уран нугараач “Аватар” үзүүлбэрээрээ оролцож, мөнгөн цом хүртсэн байна.
А.САЯН