Чойжин ламын сүм музей жил бүр “Шөнийн музей” арга хэмжээг зохион байгуулдаг уламжлалтай. Энэ жил Улсын Филармонийн Морин хуурын чуулгатай хамтран “Шөнийн сүм музейд Морин хуурын чуулга” үдшийн цэнгүүнийг сарын 14-ний өдөр 19.00 цагт зохион байгуулах гэж байна.
Энэхүү арга хэмжээнд хүрэлцэн ирсэнээр Монголын түүх соёлын үнэт өв болох Чойжин ламын сүм музейн арвин баялаг сан хөмрөг, хосгүй үнэт бүтээлүүдийг үзэж мэлмий баясгахын зэрэгцээ музейн өвөрмөц тансаг орчинд тухлан Монголд улсдаа төдийгүй дэлхий дахинд өндрөөр үнэлэгддэг Морин хуурын чуулгын тоглолтыг үзэж, сонирхох боломжтой юм.
Арга хэмжээний хөтөлбөр:
18:00-19:00 Чойжин ламын сүм музей үзэх
19:00-19:10 Арга хэмжээний нээлтийн үйл ажиллагаа
19:10-20:20 Улсын Филармонийн Морин хуурын чуулгын тоглолт
23:00-00:00 Шөнийн музей үзэх
Хүрэлцэн ирсэн зочид анхилуун үнэрт цэцэрлэгт тухалж, цагаан идээ, сайн чанарын дарс, амтат хөнгөн зууш зооглон нэгэн үдшийг тав тухтай, дурсамж дүүрэн өнгөрүүлэх боломжтой ба дээрх бүгд тасалбарын үнэд багтжээ. “Шөнийн сүм музей Морин хуурын чуулга” арга хэмжээний тасалбарын үнэ 40,000 төгрөг байна.
А.САЯН