Макао улсад олон улсын мэргэжлийн хөгжимчдийн “А” зэрэглэлийн наадам ирэх сарын 6-11-нд болно. Энэхүү наадамд Морин хуурын чуулгын уран бүтээлчид өрсөлдөхөөр болжээ. Уг наадамд Марийнский театрын симфони оркестр, Берлиний утсан хөгжмийн дөрвөл, Гергиев зэрэг дэлхийн алдартай уран бүтээлчид оролцох аж. Манай уран бүтээлчид наадамд төрийн шагналт З.Хангалын морин хуурын концерт, Төрийн хошой шагналт Н.Жанцанноровын “Бурхан Халдуны дуулал” хөөмийн уран бүтээл, “Жингийн цуваа”, “Алтайн магтаал”, ятгын тавал, дөрвөл зэрэг сор бүтээлийг дээжлэн хүргэхээр болжээ.
А.САЯН
