.jpg)
Эрдэнэт УБҮ-ийн 49%-ийг худалдаж авсан эх үүсвэр, худалдан авсан хуйвалдаан маш их анхаарал татаж байна. Өнгөрсөн онд 284 тэрбум төгрөгийн татвар төлсөн Эрдэнэт үйлдвэр энэ жил яахаараа 20-хон тэрбумыг төлдөг билээ. Зэсийн үнэ буурсан гэх шалтгаан хэлэх байх. Гэтэл адил үйл ажиллагаатай Оюутолгой 244 тэрбум татварт тушаажээ. Үүнийг би хувьдаа, Эрдэнэтийг авахдаа Эрдэнэтийн мөнгөөр луйвар хийжээ гэж харж байна. Эрдэнэтийн УБҮ-ийн асуудал бол ганцхан энэ үйлдвэрийн асуудал биш. Монголд төр оршин тогтнох уу, үгүй юу гэдэг асуудал. Хэсэг хүмүүс далдуур хуйвалдан, Монголын ард түмнийг 40 жил тэжээсэн үйлдвэрээс салгаж, үйлдвэрийг хувийн болголоо. Уршгийг харж байна. Энэ үйл явц цаашид ч үргэлжлэх тул тэвчиж болохгүй.
ТАЙЛБАР : Ингэж Ц.Нямдорж гишүүн хэвлэлийн бага хурал хийхдээ хэлсэн. Түүнийг нь сонин хэвлэл нийтэлж, телевиз, радио эфирээрээ цацсан. Түүний хэлсэн үг тодорхой хүмүүсийн уур хилэнцийг бадраасан. Тэдний нэг бол ерөнхийлөгч Ц.Элбэгдорж.
Тэр өөрийгөө Эрдэнэттэй, түүний хувьчлалтай огт холбоогүй гэж хэлсэн боловч, Эрдэнэт УБҮ-ийг хувь хүмүүсийн мэдэлд шилжих нь зөв гэдэг байр сууриа "Төр муу менежер. Харин хувь хүн бол бүх зардлаа тооцно. Үрэлгэн зан гаргахгүй" гэдэг санаагаар илэрхийлсэн. Харин тэр зарчмын нэг том алдаа гаргасныг огт дурдаагүй. Тэр бол Төрийн өмчийн компанид 100 саяас давсан хөрөнгө оруулалт хийх тохиолдолд заавал Монгол Улсын Их Хурлаар хэлэлцэж шийдвэрлэнэ гэдэг хуулийн заалтыг зөрчсөн ноцтой үйлдэл юм. Энэ бүхэн нь Эрдэнэтийн УБҮ-ийн 49%-ийн хувьчлал нь хуйвалдааны чанартай хийгдсэн гэдгийн нэг баталгаа юм. Дээр нь Эрдэнэт ҮБУ цаашид хэдэн жилийн нөөцтэй байх нь хамаагүй, Эрдэнэт УБҮ-ийн харьяанд байдаг маш арвин нөөцтэй 30 гаруй лиценз мөн тэдгээр үгсэн хуйвалдагчдын мэдэлд шилжих аюултайг учир мэдэх хүмүүс сануулж байна.
Ц.ЭНХБАТ
