Өчигдөр Хууль зүйн Байнгын хорооны хуралдаанаар УИХ-ын гишүүн Ж.Ганбаатар авлигын хэрэгт ял шийтгүүлсэн этгээдийг төрийн өндөр албан тушаалд томилохгүй байх заалтыг Үндэсний хөтөлбөрт оруулах санал гаргасан билээ.
Гэтэл өчигдөр үүнийг дэмжсэнгүй. Ийнхүү хуралдаанд оролцсон 15 гишүүдийн 9 нь үүнийг дэмжээгүй бөгөөд авлигын хэрэгт ял шийтгүүлсэн этгээдийг төрийн өндөр албан тушаалд томилох нь зөв хэмээн үзсэн гишүүд бол Ц.Нямдорж, Б.Чойжилсүрэн, Д.Ганболд, Б.Бат-Эрдэнэ, Л.Болд, Б.Дэлгэрсайхан, Ц.Мөнх-Оргил, Н.Оюундарь, Б.Пүрэвдорж нар юм. Харин Ж.Ганбаатар, Н.Учрал, Х.Нямбаатар, Ш.Раднаасэд, Л.Энхболд нарын таван гишүүн авлигын хэргээр ял шийтгэгдсэн хүнийг төрийн өндөр албанд томилохыг эсэргүүцжээ.
Жилийн 13 тэрбумын орлоготой хэмээн мэдүүлсэн Б.Чойжилсүрэн, 2 тэрбум 340 саяын орон сууцтай гэж мэдүүлсэн Д.Ганболд, 2тэрбум 632 саяын орон сууц, барилгатай Л.Болд, 900 сая төгрөгөөр үнэлэгдсэн барилгатай Ц.Мөнх-Оргил Гэр бүлийн гишүүдийнх нь орлого 1 тэрбум 843 сая гэж мэдүүлсэн Н.Оюундарь тэргүүтэй хүмүүс авлигын хэргээр ял эдэлсэн хүн төрийн өндөр албанд орж болно гэж үзэн татгалзсан кнопыг дарсан байгаа юм.
О.НАНСАЛМАА