Ойрын хэдэн өдөр УИХ дахь хамгийн сонирхолтой хүн УИХ-ын гишүүн Ж.Батзандан, харин хамгийн сонирхолтой сэдэв нь Ж.Батзанзан намаасаа хөөгдөх гэж байна гэсэн сэдэв болж байна.
Тэрбээр “Эрдэнэт” болон “Асгат”-ын 49 хувийг хууль бусаар УИХ-ын зөвшөөрөл авалгүй сонгуулийн өмнө 27 настай хүүхдэд шилжүүлж өгсөн. Оросоос шилжиж ирсэн 49 хувийг ард түмнээс асуулгүй Засгийн газар дангаараа дур мэдэн өгсөн үйл явдлыг Үндсэн хууль зөрчсөн, хулгайн шинжтэй үйл явдал” хэмээн үзэж байгаагаа чуулган дээр зоригтойгоор хэлж, Ц.Нямдорж гишүүнтэй санал нэг байгаагаа хэлсэн билээ.
Ингэснээр тэр намаасаа хөөгдөх дээрээ тулаад байгаа бөгөөд “Монголоос битгий хөөчихөөрэй” хэмээн бухимдлаа илэрхийллээ. Түүний хэлж байгаагаар намаас хөөх ажиллагаа их л дээрээс эхлэлтэй “Ер нь бол нэгдүгээр хүнээс гаралтай. Баянзүрх дүүргийн намын хорооны дарга бол Ерөнхийлөгчийн хүүгийнх нь найз. Тэндээс Ж.Батзанданг АН-аас хөөх асуудал удаа дараа яригдаж байгаа” гэсэн юм. Бусад нь түүнийг МАН намд орох гэж нүхээ ухаж байна гэсэнд тэрээр “МАН 65 гишүүнтэй би тэнд хэрэггүй харин 9 гишүүнтэй АН-д хэрэгтэй” хэмээн намчирхсан байна.
Хэвлэлд өгсөн ярилцлагадаа тэрээр “Намаас гарах тухай ойлголт байхгүй. Ардчилсан намд би элссэн. Энэ намынхаа төлөө зүтгэж байгаа. Ардчилсан нам ардчилсан үзэл санаан дээрээ ирэх ёстой. Энэ намыг ардчиллынхаа төлөө зогсож чадахгүй байна гэж харж байна” хэмээн хэлжээ.
А.ГАНТУЯА