Монголчууд оюуны хоосрол, сэтгэлгээний ядууралд оржээ. Төсвийн төслийг харахад, өөрсдөө бодож сэтгэсэн, олж төнхсөн зүйл алга. Эндээс гуйна, тэндээс гуйна л гэж байна. Гуйлгачин царайтай. Гаднын хэрэглээг л татах тухай ярих юм.
Өөрсдөө юу хийж бүтээх юм бэ? Энэ тухай нэг үг, өгүүлбэр алга. Казино, морин тойруулга л гэж бичжээ. Гаднын хөрөнгө оруулагчид л орж ирвэл бидний амьдрал сайжрах гэнэ. Эндээс ч гуйсан, тэндээс ч гуйсан. Нэг л гуйлгачин сэтгэлгээ. Сэтгэлгээний хямрал, тархины тураалд оржээ, бид. УИХ бол гараас нь юм гардаггүй, хоосон хэрүүлийн л газар юм. Яагаад, олон түмнийхээ оюуны их хүчийг олж харахгүй байна аа. Яагаад, ард түмнээ уриалан дуудаж чадахгүй байгаа юм бэ? Бид чинь. Зэлээ эвхэж буй, "Сэрэлт" киноны хэсгийг л санагдуулж байна шүү.
Ц.ХИШГЭЭ