.JPG)
АН-ын 6-р Их Хурлын төлөөлөгчдөөс хамгийн их дэмжлэг авсан улс төрч бол Н.Алтанхуяг байсан. Түүний хэлсэн үг, өгүүлбэр бүр жин дарж, төлөөлөгчдийн уухай хашгиралт, нижигнэсэн алга ташилтыг дагуулсан. Тэр өнөөдөр АН-ын даргад нэр дэвшсэн хамгийн хүчтэй өрсөлдөгчид зүй ёсоор тооцогдож эхэллээ.
Тэр нэр дэвшвэл ялчих магадгал хамгийн өндөр болсныг мэдэрсэн, бүлэглэл түүнийг зайлуулах арга саамаа сүвэгчилжээ. Тэр бол намын даргын сонгуулийн хорооны гишүүдийн гаргасан намын даргад нэр дэвших хүний шалгуур үзүүлэлт болох нь. Хоёр гол үзүүлэлт тавьсан. Намд 5-аас доошгүй жил гишүүнчлэлтэй байх гэдэг заалтад бүх нэр дэвшигч тэнцсэн. Харин гэмт хэрэгт холболдолгүй гэсэн тодорхойлолтыг Цагдаагийн байгууллагаас авчрах ёстой гэсэн 2-р заалт Алтанхуягийг бүдрүүлж магадгүй гэж журмын нөхөд нь болгоомжилж байна. Хэрэв түүнийг хэрэг төвөгт орооцолдсон, шалгаж буй гэдэг тодорхойлолтыг Цагдаа, хууль хүчний байгууллага гаргах тохиолдолд Н.Алтанхуяг АН-ын даргын сунгаанд оролцох боломжоо алдах юм. Ийнхүү АН Н.Алтанхуягийг алдах юм бол, АН-ыг шинэчлэх, олигархи, бүлэглэлийн дохиогоор ажилладаг байдал нь хэвээр үлдэнэ гэж судлаачид дүгнэлтээ хийжээ.
Э.ҮҮЛЭНЦЭЦЭГ
