.JPG)
Улаанбаатар хотыг утаагүй болгох олон хөтөлбөрийг мөнгө болгосон гэж иргэд дүгнэдэг. Хэд хэдэн төслийг, тэрбум тэрбумын өртөгтэй хөрөнгөөр хэрэгжүүлсэн гэдгийг мэднэ. Үе үеийн хотын удирдлага, Байгаль Орчны Яам, мөн тэдний бий болгосон төслийн баг оролцож ирсэн. Утаа хорогдоогүй. Харин ч нэмэгдсэн.
Арга сүвэгчилсэн Э.Бат-Үүл дарга - Утаа ихэссэн ч, хор буурсан гэж нэг үлгэр яриад буусан. Утаагүй зуух, эрчим хүчний хэмнэлттэй зуух, энэ тэр гээд маш олон төслийг кампанит ажил болгон өрнүүлсэн. Зарсан мөнгө төгрөгөнд хяналт тавьдаг байгууллага ч алга. Эрүүл агаар гэдэг сайхан нэртэй байгууллагыг бий болгож, түүний дарга, нягтлан хоёр нь ихээхэн хөлжсөн гэдэг мэдээлэл цацагдаж, хожим хууль хүчний байгууллагын шалгалт орсон.
Өнөөдөр ч гэсэн, утааг бууруулах зорилгоор мөн л бас нэгэн зуух гэдэг төслийг хэрэгжүүлэхээр Байгаль орчны Яам зэхэж байна. Тэд мөнгө санхүүг нь үрдэгээрээ үрнэ. Харин утааг бууруулах үүрэг хариуцлагыг эрдэмтдэд ногдууллаа.
Э.ҮҮЛЭНЦЭЦЭГ
