Аймаг аймаг дамжсан намын даргын сунгаагаар, нэр дэвшигчид уулзалтын эхэнд үг хэлж буй. АН өөрийнхээ засгийг огцруулсан нь алдаа болсон тухай голлон ярьж байгаа нь түүний рэйтингт сөргөөр нөлөөлөх маягтай. Түүний хэлсэн үг нь гомдоллол маягтай сонсогдож байна гэж хуралд оролцогчид шүүмжлэх болов. С.Эрдэнийн хувьд, намын бүх нэгжид ажилласан туршлагатай гэхчилэн голдуу өөрийнхээ тухай ярьж байна гэж мэдээлж байна. Батзандангийн хувьд, сумын намын гишүүд, аймгийн намын хорооны гишүүд дарга цэргээ өөрсдөө сонгодог болох ёстой. Бүх шатны сонгуульд хэнийг нэр дэвшүүлэхийг төвд биш, орон нутагт, гишүүд нь шийддэг болгоно гэж гишүүдийн сэтгэлийг хөөртөл, цөсийг нь дүүртэл үг хэлж байна. Эрдэнбатын хувьд, намынхаа тухай, хэрхэн хөгжүүлэх тухай асуудалд илүү анхаарал хандуулж байна. Харин Гантөмөрийн хувьд, намаа шинэчлэх арга замыг хайсан үг хэлж байгаа нь анхаарал татлаа гэх мэдээлэл орон нутгаас ирж байна. Нэр дэвшигчид өнөөдөр, Төв аймаг болон Багахангайд ажиллах төлөвлөгөөтэй юм байна.
.JPG)
Яг одоогоор, гишүүдийн цөсийг дүүртэл үг хэлж буй Ж.Батзандан 29,8%, гомдоллох аястай үг хэлж буй Н.Алтанхуяг 27,9%, намын шинэчлэлийн тухай Лу.Гантөмөр 21%, өөрийн туршлагаа голдуу ярьж буй С.Эрдэнэ 16,1%, намынхаа тухай ярьж буй Д.Эрдэнэбат 5% -тай явна.
Ажиглахад, Алтанхуягийн рэйтинг аажмаар буурч, С.Эрдэнэ, Д.Эрдэнэбатын рэйтинг хурдтай доошилж, Батзандан, Гантөмөр нарын залуусын рэйтинг эрчтэйгээр өссөн байна. Сунгаа үргэлжилж байна, санал асуулга ч мөн ижил.
О.НАНСАЛМАА
