.jpg)
Орох оронгүй, оочих аягагүй томоохон хурлын заал бараадаж яваа Ардчилсан нам намын даргаа сонгох намаа шинэчлэх их шинэчлэлийн өмнө тулж ирээд байна. Нэр дэвшигчид өнөөдөр 30 дахь уулзалтаа хийж дууслаа. Мөрийн хөтөлбөр намаа авч явах цаашдын ур чадвараа танилцуулах уулзалтыг хамгийн утгагүй болгож байсан ганц хүн нь Н.Алтанхуяг. Учир нь тэрбээр аймаг бүр дээр ирж Ц.Элбэгдоржийг муулсаар сүүлдээ намын гишүүдийг залхааж орхисон. Түүнээс гадна намын гишүүд Н.Алтанхуягт хандаж асуусан асуулт нь “Намын байр хаачив, хэдэн тэрбумаар зарсан бэ?” гэх асуулт. Энэхүү асуулт 21 аймаг дамжиж Н.Алтанхуягийг дагав. Ишиг эврээ ургахаар эхийгээ мөргөнө гэгчээр Н.Алтанхуяг намын дарга болонгуутаа намынхаа байрыг 14 тэрбумаар зарж орхиод намынхаа нөхдийг гудамжинд гаргасан. Тэгээд бас түүнийгээ тайлбарлахдаа “Та нарын яриад байгаа шиг 20 гаруй тэрбум төгрөг хүрээгүй юмаа. Ямар ч байсан тэр мөнгөнөөс намын дансанд 1,8тэрбумыг үлдээсэн шүү дээ” хэмээн хэлээд зогсож байна лээ. Намын байр зарсан мөнгөө тайлагнаж чадахгүй хүн нам удирдаад явна гэхээр санаанд нэг л буухгүй юм.
Э.ҮҮЛЭНЦЭЦЭГ
