МРО мэдээлэл судалгааны төвөөс Ардчилсан намын даргын сонгуулийн үйл ажиллагаатай холбоотой социологийн судалгааг 2017 оны нэгдүгээр сарын 21-22-ны өдрүүдэд “Call center”-ийн төхөөрөмж ашиглан гүйцэтгэжээ. Судалгааг Ардчилсан намын гишүүн 21 аймаг, есөн дүүргийн нийт 1200 иргэний дунд явуулсан аж.
Тус судалгаа нь 95 хувийн итгэх магадлал утгад, ±2.81 хувийн алдааны хязгаарт эх олонлогийг бүрэн тайлбарлах боломжтой гэнэ. Судалгааны түүврийг бүрдүүлэхдээ АН-ын VI Их хуралд төлөөлөгчөөр оролцсон 750 гишүүн болоод бусад гишүүдийг хамруулжээ. АН-ын даргад нэр дэвшигчдээс С.Эрдэнийг дэмжих хандлага гишүүдийн дунд өндөр байна. Учир нь АН-ын гишүүдийн олонх нь УИХ-ын гишүүдээсээ намын даргаа томилж, Н.Алтанхуягийг Ерөнхийлөгчийн сонгуульд дэвшүүлэх нь зөв гэсэн байр суурьтай байна. Энэ нь чанарын судалгааны явцад гарч байгаа ажээ.