Нийт 8300 оноо цуглуулахаас 2928 буюу нийт 30-иас дээш хувийн санал авснаар АН-ын даргын сунгаанд С.Эрдэнэ үнэмлэхүй ялалт байгуулав.
Түүний араас Н.Алтанхуяг 2033, Лу.Гантөмөр 1417, Ж.Батзандан 1110, Д.Эрдэнэбат 857 оноо авсан дүнг АН-ын даргын сунгааг зохион байгуулах сонгуулийн хорооноос мэдээллээ.
Сонгуулийн зардалд 1 тэрбум 250 сая төгрөг зарцуулсныг нэр дэвшигчид бүрдүүлсэн байна. Гишүүдийн татварыг сонгуулийн үйл ажиллагаанд зарцуулаагүй байна. Нийт татвараа өгсөн 120,000 гишүүний 70 орчим хувь буюу, 85 мянган гишүүн саналаа өгч, даргаараа С.Эрдэнийг ийнхүү сонголоо. С.Эрдэнийн хувьд фракцад барьцаалагдаагүй АН-ын анхны дарга болж буйг З.Энхболд онцоллоо.
Хүлээгдэж буй шинэчлэлийг хийх С. Эрдэнийн хувьд, Ардчилсан Намаа нээлттэй, хариуцлагатай, гишүүдийнхээ баталсан намын дүрмээ мөрддөг, жирийн гишүүдийн саналыг сонсож, шийдвэрээ гаргадаг Нам болгохоо илэрхийллээ.
О.НАНСАЛМАА