Нийслэл хотын бохирын асуудлыг шийдвэрлэж чадахгүй, үнэрийг нь дарахгүй бол ирэх жилийн өдийд Барилга хот байгуулалтын сайд Мөнхбаяр, Байгаль Орчны сайд Оюунхорол, нийслэлийн захирагч Су.Батболд нар хариуцлага тооцож огцруулах болно гэдгээ УИХ-ын гишүүн Ж.Энхбаяр анхаарууллаа.
300 сая ам.долларын төсөв баталж өгсөн. Өөр хоорондоо бичиг цаас шидээд байлгүй, нэгдэж нэг болж ажиллахыг тэр үүрэгдэв. Иргэд эрүүл саруул орчинд амьдрах, түүнийг нь төр хангах үүргийг Үндсэн хуульд заасан байдаг. Үүнийгээ л биелүүлэхийг ажил хариуцсан та нараас Төр нэхэж байна. Захиргаад, эмх цэгцэнд оруул. Та нарт эрх мэдэл, хүч, хөрөнгийг бүгдийг нь олгосон. Цэргийн жанжин бага дарга нартаа "Гүйцэтгэ" гэх үүрэг өгөх мэт чанга сонсогдтол тэрбээр үүрэгдлээ.
Ц.ХИШГЭЭ