Мэдээлэл алдагдаж байвал сэтгүүлчдэд олз. Тэд амандаа орсон шар тосыг хүлхэхээс яах вэ. Ц.Нямдоржийн ерөнхий сайд Ж.Эрдэнбат руу давшилж элдвээр хэлсэн үгс, ерөнхий сайдын Ц.Нямдоржид хандаж хариу барьсан үг өгүүлбэр хэвлэлээр цацагдлаа. Ц.Нямдорж, Ж.Эрдэнэбатын сайд нарынх нь эдийн засгийн нууц ажиллалааг илчилж байх шиг, түүгээр нь барьцаалж Засгийг унагах тухай ч үгсийг шидэж эхлэв. Хариуд нь, УИХ-ын даргын өндөр сэнтийд дурлан шунаад, хүсэл нь биелээгүйд хорсож, амь тавих гэж буй Ц.Нямдоржийн дүр төрхийг ерөнхий сайд бас илчлэв. Бие биеэн лүүгээ шидэлцэх энэ үг өгүүлбэрийг тэд гудамжинд, олны нүдэн дээр хэлээгүй. Харин Намынхаа бүлгийн хаалттай хуралдааны үеэр бие биеэн лүүгээ чулуу адил шидэцгээв. Хайрлах, хүндлэх, ойлгох тухай асуудал үгүй болжээ, өөр хоорондоо. Гудамжинд хэрэлдэх хэрүүлийн үгс, мод чулуу барин зодолдох хөлчүү эрчүүдээс дор харагдаж байна гэж сошиалаар дүгнэх болов.
Монголын 3,4-р хүмүүс "хэрэлдэж биш, зодолдож" эхэлжээ. Энэ зодоон хоёр хүнээр дуусахгүй, өргөн хүрээг хамрах болно гэдгийг ч ойр тойрны хүрээнийхэн тодотгож байна. МАН нэг шуудайд чихсэн үхрийн эвэр шиг болжээ.. янз нь.
Ц.ЭНХБАТ