.JPG)
Ардчилсан нам дахь фракцийн зөрчил дээд цэгтээ хүрчээ. МАХН-ын дарга Н.Энхбаярыг хуулиар барьцаалан дэвших эрхийг нь хаана. Энэ бүхэн МАН, түүний нэр дэвшигчид улам таатай нөхцөл бүрдүүлэх болов. Энхбаярын эрхийг хаана гэдэг бол ялалтынхаа 50%-ийг халаасаллаа гэсэн үг. Энгийн үгээр хэлэхэд, хүчтэй өрсөлдөгчөө талбайгаасаа зайлуулж амжлаа гэсэн үг. Энэ бүхэн МАН-аас цор ганцаараа нэр дэвших М.Энхболдод нэмэх оноо болон очиж байна гэж улс төрийн хүрээнийхэн дүгнэж байна. АН-ын хувьд С.Эрдэнийг эсэргүүцэгчдийн тоо өдрөөс өдөрт нэмэгдсэн. Ерөнхийлөгчид АН-аас нэр дэвшигчийг тодруулсны дараа байдал улам хурцдах болно гэж улс төр судлаачид дүгнэж байна. Тэгэхээр АН-ын нэр дэвшигч хүчтэй өрсөлдөгч болж чадахгүй гэх байр суурийг зарим улс төрчид хуваалцах болов. Тэр байтугай ерөнхийлөгчийн сонгуулийн дараа АН-ыг С.Эрдэнээс салгаж авах, эс чадваас шинэ нам байгуулах хандлага бий болсон гэх таамаглалыг улс төр судлаачид дэвшүүлж байна. Улс төрийн салхи МАН -ын зүг тааламжтайгаар үлээж эхэллээ.
Ц.ХИШГЭЭ
