АН-ын Үндэсний бодлогын хороо анхдугаар хурлаа өнөөдөр хийж байна. Намын дотоод сонгуулийн үр дүнгээр байгуулагдсан Үндэсний бодлогын хороо 389 гишүүний бүрэлдэхүүнтэй. Үүнд УИХ-ын 9 гишүүн болон 21 аймаг, 9 дүүргээс сонгогдсон намын бодлогын хорооны гишүүд багтаж байна. Өмнө нь АН-ын Үндэсний зөвлөлдөх хороо 228 гишүүнтэй байсан бол Үндэсний бодлогын хороо болсноор бүрэлдэхүүн ийнхүү өргөжсөн юм. Хурлаар хэлэлцэх асуудлыг тухайд :
ҮБХ-ны гишүүд өнөөдөр Эзэн Чингис хааны хөшөөнд хүндэтгэл үзүүлж ҮБХ-ны анхдугаар хурлаа эхлүүлж байна. Анхдугаар хуралдаанаар хэлэлцэх асуудал нь тус намын ерөнхий нарийн бичгийн даргыг батламжлах, улс төрийн зөвлөлийн бүрэлдэхүүнийг батлах, бодлогын зөвлөлийн үйл ажиллагааг зохион байгуулах журам боловсруулах ажлын хэсэг байгуулах, сонгуулийн штабын журам батлах зэрэг багтжээ. Дашрамд Ерөнхийлөгчийн сонгуулийн штабыг АН дарга С.Эрдэнэ мөн УИХ-ын дэд дарга Я.Санжмятав нар удирдахаар болоод байна.
Ц.ХИШГЭЭ