Монголын Хөлбөмбөгийн Холбооны хамгийн нэр хүндтэй тэмцээнүүдийн нэг "МХБХ-НЫ ЦОМ"-ын аваргын төлөөх тоглолт "Улаанбаатар сити", "Атлетик 220" багуудын хооронд боллоо.
Өнгөрсөн жилийн аварга "Улаанбаатар сити" аваргын цомоо хамгаалахаар талбайд гарсан ч "Атлетик 220" 0:2-ээр хожиж анх удаа "Холбооны цом"-ыг өргөсөн юм.
Уг чухал тоглолтод үндэсний шигшээ баг болон "Атлетик 220" багийн довтлогч Н.Наранболд хоёр гоол оруулан, шилдэг тоглолт үзүүлэв.
"МХБХ-ны цом"-ын шигшээ тоглолтын дараа тэмцээний хаалтын үйл ажиллагаа боллоо. Аваргын цомыг өргөсөн "Атлетик 220" 12 сая төгрөг, хоёрдугаар байрт шалгарсан "Улаанбаатар сити" 8 сая төгрөгийн шагналыг хүртсэн юм.
О.ДАШ