Бид Албаний багийг хожно гэж тэд тоглолтын өмнө хэлсэн. Бүх үзүүлэлтээрээ бид давуу. Манай гол тоглогчид бүгдээрээ европын лигид амжилттай тоглодог. Бидний туршлага арвин гэж хэлж байсан Швейцарьчууд 1:0 -ийн харьцаагаар Албаний багийг буулгаж, хожлын 3 оноогоо халаасаллаа.
Тэд тоглолтыг итгэл төгс эхлүүлж, дөнгөж 5 дахь минутад Фабиан Чар эхний бөгөөд энэ тоглолтын цорын ганц гоолыг хийлээ. Фабиан Чарын 5 дахь минутад хийсэн гоол одоохондоо, Евро-2016-ийн хамгийн хурдан гоолоор тооцогдож байна. Энэ хэсгийг Францын баг тэргүүлэх нь ойлгомжтой боллоо. Тэд 2:1 харьцаагаар Румыныг буулгасан. Албани бол зүгээр л бэлэг. Швейцарьд бол хожигдохгүй нь тодорхой.
Харин Румын : Швейцарь хоёрын хэн хожсон нь хоёроор гарах болно гэдэг нь тодорхой болж байна. Яагаад гэвэл, Албани энэ "баян ходоод". Румыны хувьд амжилт нь буурч буй баг. Бусдыгаа уриалан дагуулах лидер тоглогчгүй. Тэгэхээр Францтай хамт дараагийн шатанд шалгарах тун магадлалтай баг бол Швейцарь гэж мэргэжилтнүүд дүгнэж байна.
Ц.БАТЗАЯА