Францад улсад зохион байгуулагдаж буй Европын Аварга шалгаруулах тэмцээний үеэр Марсель хотод үүссэн эмх замбараагүй байдал үргэлжилсээр байна. Учир нь энэ хотод Өнгөрөгч бямба гарагт болсон Англи, Оросын шигшээ багуудын тоглолтын үзэхээр ирсэн Англичууд хотын иргэдтэй үймээн үүсгэж дараа нь Францын цагдаа нартай мөргөлдсөн. Тоглолтын үеэр тэмцээний гоолийг Оросууд хийхэд цэнгэлдэхэд байсан хөгжөөн дэмжигчдийн уур амьсгал дээд цэгтээ хүрч Английн фанатуудтай зодолдон эмх замбараагүй байдал үүсгэжээ.
Мөн өмнөх өдөр нь Английн фанатуудтай зодолдож байсан Франц залуус мөн нэмэгдэж Марселийн Хуучин боомтын “Викториа Хатан хаан” нэртэй уушийн газрын орчим дэг журам алдагджээ. Цагдаа нар нулимс асгаруулагч хий болон усан буу ашиглан хэд хэдэн хүнийг баривчилсан байна.
С.БАЯНМӨНХ
