ХХААХҮ-ИЙН ДЭД САЙД Ж.САУЛЕ: МАЛ ЭМНЭЛГИЙН САЛБАРТ АЖИЛЛАДАГ БОЛОВСОН ХҮЧНИЙ ЦАЛИН, НИЙГМИЙН АСУУДЛЫГ ТҮЛХҮҮ АНХААРНА

2019-04-18  

ХХААХҮ-ийн дэд сайд Ж.Сауле “Биокомбинат” УТҮГ, “Мал эмнэлгийн сорилт баталгаажуулалтын улсын лаборатори” ТӨААТҮГ, “Улсын мал эмнэлэг, ариун цэврийн төв лаборатори”, “Нийслэлийн мал эмнэлгийн газар”, “Мал эмнэлгийн ерөнхий газар”-ын үйл ажиллагаатай биечлэн танилцаж, эмч шинжээч ажилтнуудын саналыг сонсож үүрэг чиглэл өгсөн юм.

Эдгээр байгууллагын малын эмч ажилтнууд  мал эмнэлгийн салбарын боловсон хүчнийг чадавхжуулах, ажлын байрны нөхцөлийг сайжруулах, агааржуулалтын асуудал, тоног төхөөрөмжийн шинэчлэх, боловсон хүчний орон тоог нэмэгдүүлэх, цалингийн шатлал,  нийгмийн асуудлыг шийдвэрлэх зэрэг асуудлыг хөндөж байв.  

ХХААХҮ-ийн дэд сайд Ж.Сауле “Монгол улсын Засгийн газраас сахилга хариуцлагыг сайжруулж, ажлын бүтээмжийг дээшлүүлэн ажиллах чиглэл өгсөн.   Тиймээс та бүхэн  хуулийн дагуу ажлын цагийг үр бүтээлтэй, өнгөрүүлэх нь чухал байна. Мөн мал эмнэлгийн салбарт ажилладаг боловсон хүчний цалин, нийгмийн асуудлыг түлхүү анхаарна. Энэ хүрээнд эрхзүйн орчинг бүрдүүлэх чиглэлээр хамтран ажиллана. Та бүхэн дээрх саналуудаа нэгтгээд хүргүүлэх шаардлагатай байна.  Энэ салбарт ажиллаж байгаа малын эмч, ажилтнууд малын гоц халдвартай голомтод ажиллаж үзлэг шинжилгээ хийж эрсдэлтэй нөхцөлд байдаг учир өөрсдийнхөө эрүүл мэндэд маш сайн анхаарч ажиллаарай” гэв.

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
АУРА БУЮУ ӨӨРИЙН ЭНЕРГИЙГ УДИРДАЖ СУРАХ ХИЧЭЭЛД ХАМРАГДАХ УУ?