Хөнгөн атлетикийн ахмадын ДАШТ Польш Улсад Торун хотноо амжилттай үргэлжилж байна.
Энэ удаагийн ДАШТ-д дэлхийн 88 орны 4000 ахмад мастерууд оролцож байгаа бөгөөд МУ-аас 12 хүний бүрэлдэхүүнтэй тус арга хэмжээнд хурд хүч авхаалж самбаагаа сорьж байна.
Манай баг тамирчид шидэлтийн бөөрөнцөг, дүүгүүр шидэлт, зээрэнцэг болон 200м, 400м, 10000м гүйлтийн төрлүүдэд хурд хүчээ сорьж байна.
Тэмцээний эхний өдрүүдийн байдлаар 85 настай Цэрэнгийн Раднаа гуай эрэгтэйчүүдийн 400 метрийн зайн гүйлтэд дэлхийн дээд амжилт шинэчлэн ДЭЛХИЙН АВАРГА боллоо.
Мөн эмэгтэйчүүдийн бөөрөнцөг, зээрэнцэгийн төрөлд Төмөрбатын Цэрэндолгор 2 мөнгөн медаль хүртэж бахдам амжилтыг үзүүлжээ. Хөнгөн атлетикийн ахмадын ДАШТ-н 3-р сарын 30 хүртэл үргэлжилнэ.
