Ийм зүйлийг УИХ-ын дарга Занданшатар номлох болов.
-Авилга, хээл хахууль, албан тушаалын гэмт хэрэг, хонгил рүү чирэх явдал арилна. Засаглалын зөв хуваарилалт бий болж, хариуцлага тооцдог, хариуцлага хүлээлгэж чаддаг, иргэд нь сонгосон гишүүнээ татдаг, хариуцлагатай нийгэм рүү орно. Шударга ёс тогтоно. Ингэж тэр хэлж байх юм. Ингэж тэр зүтгэж байх юм. Харин ард иргэд тэгэж үзэхгүй байна.
-Парламент эрх мэдлээ улам нэмэх сонирхол агуулжээ. Тэд хууль тогтоомж, төсөв батлахаас гадна, шүүх засаглалд ч ноёрхолоо тогтоох гэж байна. -Хариуцлагагүй, ёс зүйгүй, дураараа УИХ цаашид улам бэхжинэ. -Үндсэн хуулийг Ард түмнээр хэлэлцүүлж эцсийн шийдвэр гаргадаг. Харин УИХ-ын дарга, Ерөнхийлөгч, Ерөнхий сайдын зөвшилцөл, нэг нам давамгайлсан Парламентийн зөвшилцлөөр шийдэх учиргүй. Энэ бол ард түмний хэлэлцүүлэг биш, эрх баригчдын хүчирхийлэл. Ингэж нэг хэсэг нь үзэж байна.
С.ШИНЭСАР
