Тунаж барилдах муу биш. Дандаа сайн бөхтэй учраа таардаг. Сайн бөхтэй барилдаж байж л өсөж дэвжинэ. Барилдах арга ухаанд илүү суралцдаг. Өвдөг шороодох болгондоо би туршлага сууж, сургамж авч байдаг. Олон жил тунасан. Олон ч хатуу учраатай таарсан минь бөхийн том сургууль байлаа.
Даваа өгсөх тусам бөхчүүд улам чангардаг. 7-ийн даваанд гарьд Гончигдамба, 8-ийн даваанд арслан Бүрэнтөгс, 9-ийн даваанд арслан Батсуурь гээд бөхчүүдтэйгээ үнэн хүчийг үзэж, уран мэхийг хийж барилдая гэж сэтгэл шулуудсан. Бүрэнтөгс бид хоёрын дунд ямар нэг маргаан байхгүй гэж би хэлье. Хайнцсан. Дахин шодсон. Энэ удаад миний барьц сонгох ээлж ирсэн. Бусдыг нь та нар харсан. Наадмын даваа бүр хүнд байсан. Даваа бүр хүнд, учраа бөх чангарч байсан ч болсон мэхээ зоригтой хийж, төлөвлөгөөтэй барилдаж энэ эрхэм цолонд хүрсэндээ тамирчин хүний хувьд омогшиж байна.
Э.ЦЭНД