Японы Ерөнхий сайд Такайчи Санаэ мягмар гарагт Токиод Бангладешийн Ерөнхий сайд Тарик Рахманыг хүлээн авч, өргөн хүрээний хэлэлцээ хийлээ. Хоёр тал хамтарсан мэдэгдэл гаргаж, эдийн засгийн олон асуудлаар хамтран ажиллахаа зарласан байна.
Хамтын ажиллагаанд Бангладешийн өмнөд хэсэгт барих боомт, нийслэл Дакка хотын олон улсын нисэх онгоцны буудлын терминал зэрэг томоохон дэд бүтцийн төслүүд багтаж байгаа ажээ. Мөн хоёр талын Эдийн засгийн түншлэлийн хэлэлцээрийг эрт хүчин төгөлдөр болгохын төлөө ажиллахаар тохиролцсон байна.
Такайчи "Бангладеш нь Зүүн Өмнөд Ази, Өмнөд Азийг холбосон гүүр болох асар их боломжтой. Энэ нь Японы эдийн засагт ч нэн чухал" гэж хэлжээ. Харин Рахман "Энэ найрамдлыг эдийн засаг, боломж, хамтын хөгжил цэцэглэлтийн хүчирхэг хөдөлгүүр болгох нь бидний зорилго" гэсэн байна.
Түүнчлэн хоёр тал Японы Албан ёсны аюулгүй байдлын тусламжийн хөтөлбөрийн хүрээнд хамтын ажиллагааг судлахаар тохиролцсон бөгөөд энэ хөтөлбөр нь ижил үзэл бодолтой улс орнуудад батлан хамгаалах тоног төхөөрөмж болон бусад дэмжлэг үзүүлдэг юм.
Эх сурвалж: NHK
