"Lancet Countdown on Health and Climate Change" 2026 оны тайлан 10 дугаар сарын 28-нд нийтлэгдсэн бөгөөд Парисын хэлэлцээр хүчин төгөлдөр болсон 2016 оноос хойших 10 жилд уур амьсгалтай холбоотой эрүүл мэндийн зарим үзүүлэлтийн өсөлтийн хурд өмнөх арван жилээс хурдассан гэж дүгнэжээ.
Өнгөрсөн жил халалтын улмаас хөдөлмөрийн чадавх буурч, 1.07 их наяд ам.доллар буюу дэлхийн эдийн засгийн гарцын 0.91 хувьтай тэнцэх хэмжээний орлого алдагдах боломжтой болсон байна. 2023 онд дэлхий даяар 710 мянган хүн халалттай холбоотой шалтгаанаар нас барсан гэж тооцоолжээ.
Мөн өнгөрсөн жил дэлхийн хуурай газрын 51.8 хувь нь дор хаяж нэг сарын турш хэт ган гачигт нэрвэгдсэн байна. Хэт халалт, ган, үер зэрэг цаг агаарын эрс тэс үзэгдэл ойр ойрхон болж, хүний амь нас, эрүүл мэндэд учрах хохирол нэмэгдсээр байна.
Тайлангийн зохиогчид засгийн газруудад уур амьсгалын өөрчлөлтийг эрүүл мэндийн онц байдал хэмээн зарлаж, халалтаас хамгаалах, эрүүл мэндийн тогтолцоог бэхжүүлэх арга хэмжээг яаралтай авахыг уриаллаа. Эрүүл мэнд, эдийн засгийн хохирол цаашид ч өсөх төлөвтэй байгаа тул арга хэмжээ авахгүй бол өртөг улам нэмэгдэнэ гэж тэд анхааруулжээ.
Эх сурвалж: The Lancet
