Apple мягмар гарагт M6 чипээр тоноглогдсон шинэ 14 инчийн MacBook Pro болон iMac-ийг танилцуулсан байна. MacBook Pro загварын үнэ 1,999 ам.доллароос, iMac-ийн үнэ 1,499 ам.доллароос эхэлжээ. Урьдчилсан захиалга лхагва гарагаас АНУ зэрэг 35 улс, бүс нутагт эхэлж, худалдаанд арваннэгдүгээр сарын 6-наас гарна.
Компанийн мэдэгдлээр M6 MacBook Pro нь өмнөх M5 загвараас график боловсруулалтаар 30 хувь, хиймэл оюуны гүйцэтгэлээр 25 хувь хүртэл хурдан ажиллана. Мөн 24 цаг хүртэлх батерейны ажиллах хугацаа нь Mac загваруудын түүхэн дэх хамгийн урт нь болох ажээ.
Шинэ iMac нь өмнөх M4 загвараас хиймэл оюуны даалгаврыг төхөөрөмж дээрээ 5 дахин хүртэл хурдан гүйцэтгэдэг гэж Apple мэдэгдсэн байна. Энэ нь хэрэглэгчдийн хувийн мэдээллийг үүлэн сервер рүү илгээлгүйгээр хиймэл оюуны боломжийг ашиглах чиг хандлагыг бататгаж байгаа юм.
Энэхүү танилцуулга нь Apple-ийн лхагва гарагт Лос Анжелес хотод зохион байгуулах арга хэмжээний өмнөх өдөр болсон бөгөөд Bloomberg-ийн мэдээгээр тус арга хэмжээнд компанийн анхны мэдрэгчтэй дэлгэцтэй MacBook Pro загвар танилцуулагдаж магадгүй байна.
Эх сурвалж: Reuters
