Японы Гадаад хэргийн яам ОХУ-ын Сахалин мужид баривчлагдсан "Хоккайдо Шимбун" сонины сэтгүүлчтэй элчин сайдын яамны ажилтнууд даваа гарагт уулзсан талаар мэдээллээ.
Сэтгүүлч Юки Имай аравдугаар сарын 13-нд Оросын аюулгүй байдлын албанд тагнуулын хэргээр баривчлагдсан бөгөөд Южно-Сахалинск дахь товчоонд ажиллаж байжээ. Уулзалтын үеэр түүний биеийн байдалд асуудал байхгүй нь батлагдсан байна.
Японы тал сэтгүүлчийг нэн даруй суллахыг шаардаж байгаа бөгөөд Ерөнхий сайд Санаэ Такайчи Японы Засгийн газар Орост тагнуулын үйл ажиллагаа явуулдаггүй гэж мэдэгджээ.
Эх сурвалж: NHK
