Асуулт ? Сайн байна уу эмчээ. Би 28 хүртлээ хүнтэй унтаагүй байж байгаад нөхөртэйгээ анх харилцаанд ороод 2-3 жил болж байна. Энэ хугацаанд гадаадад ажилладаг. Жилдээ 7-10 хоног амралтаараа ирдэг. Ирсэн үед нь жирэмсэн болох гэхээр болохгүй юм. Боломжтой үе нь таарсан ч гэсэн. Энэ удаан харилцаанд ороогүй байсантай холбоотойгоор өндгөн эс, сперм нь өөрчлөлттэй болдог юм болвуу. Эсвэл эмэгтэйчүүд талаасаа бүүр нарийн шинжилгээ үзлэг хийлгэх хэрэгтэй юм болвуу. Уул нь эмэгтэйчүүдийн эмнэлэгт үзүүлэхэд бага зэргийн өрөвсөлтэй гээд эмчилгээ хийлгүүлж байсан юм. Сүүлийн 2 сар биений юм ирхээр давсаг хавиар их өвдөлт мэдрэгдээд байх боллоо. Ямар шинжилгээ өгөх хэрэгтэй бол та зөвлөгөө өгөөч танд баярлалаа.
Зөвлөмж : Prolaktin TSH T4 T3 СА 125 гэсэн шинжилгээнүүдийг хийлгээ. Эмэгтэйн өнчин тархинаас ялгарах эдгээр даавруудын хэмжээ хэвийн бол өндгөвчний үйл ажиллагаа жигд ажиллагаатай байдаг. Сэтгэл санааны хүчтэй хямрал цочролоос өнчин тархинаас гарах дааврын хямрал болохоор "Поликистозын хам шинж" дотоод шүүрлийн алдагдал гарах гээд байдаг.
Асуулт ?
Сайн байна уу? Биений юм ирэхгүй байх нь яг жирэмсэн болсон гэсэн үг үү ? Хамгаалалтгүй харьцаанд орсон л доо. Тэгээд яг жирэмсэн болсон гэсэн үг үү? Аль эмнэлгийн эмч сайн бэ? эмч ээ.
Зөвлөмж : Жирэмсний тестээр юм уу. ЭХО-д харуулахад жирэмсэлсэн эсэхээ мэдэж болно.
Асуулт ?
Сайн байна уу? Эмчээ би хэвлийн томографийн шинжилгээ хийлгэсэн тэгсэн зүүн өндгөвчинд 1,8-2,1см хүртэл хэмжээстэй 2 тооны +3-+9hu нягтралтай зах ирмэг тод жигд гиподенсив голомтууд тодорхойлогдоно гэсэн байна юу гэсэн үг юм бол. Урд нь эмэгтэйчүүдийн эмчид үзүүлэхэд ийм зүйл хэлж байгаагүй.
Зөвлөмж : Өндгөвчинд ихээхэн үйл ажиллагаа явагддаг. Өндгөн эс боловсорч томроод хагардаг. Тэр үед таарч зураг авсан бол ийм өөрчлөлт харагдана. Өндгөвчийн үйл ажиллагаа алдагдалтай өөрчлөлт байгааг цусанд дахь дааврын хэмжээгээр тодорхойлдог.
Асуулт ?
Сайн байна уу? Би 1 өндгөвчинд 4*6 хэмжээтэй уйланхайтай гээд эмчилгээ хийлгээд зүгээр болсон. 3 сарын турш Микрогенон гээд эм уусан. Одоо хөл жаахан л даарах юм бол өндгөвч хөндүүрлээд байнга эвгүй үнэр гараад байхын. Цагаан юм хэвийн гарч байгаа. Би яах ёстой вэ туслаач эмчээ?
Зөвлөмж : Пролактин СА125 гэсэн шинжилгээнүүд давтан хийлгэх хэрэгтэй. Эмчилгээний дараах мөөгөнцрийн шинж байна.
Асуулт ?
Сайн байна уу?. Би одоо 34-35 долоо хоногтой жирэмсэн юмаа. ЭХО-д харуулахад 2.6кг бөгөөд толгой нь нилээн том гэсэн. Миний өндөр 1.55м хугацаандаа өөрөөрөө төрөхөд асуудалгүй болов уу?. Одооноос жаахан хавантаад байгаа.
Зөвлөмж : Эмэгтэй хүний бие мах бодь хүүхэд төрүүлэхэд бэлдэж аарцаг ясны үе холбоос уян хатан чанартай болж хүүхэд төрөх замыг чөлөөтөй болгодог. Хаван, даралт ихсээд байвал төрөхийн Патологт хэвтээрэй. Эмчийн хяналтанд орохоор санаа амар төрнө.
Асуулт ?
Сайн байна уу? Миний сарын тэмдэг тогтвортой ирдэггүй юмаа. Би хөхүүл хүүхэдтэй. Тэгээд жирэмснээс хамгаалах хуанли хөтлөх гэхээр болохгүй юмаа. Жирэмсэлтээс хамгаалах бол ямар эм ууж болох вэ?. Таргалах болов уу?
Зөвлөмж : Жирэмсэлтээс хамгаалах тийм эм уу гэж би зөвлөж болохгүй. Жирэмслэлтээс хамгаалах эм болгон гормоны найрлагатай хүнд үзүүлэх сөрөг нөлөө ихтэй байдаг.
Асуулт ?
Сайн байна уу?. Юуны өмнө таньд энэ өдрийн мэндийг хургэе. Юм асуух гэсэн юм л даа..Би нөхөртэйгээ амьдраад 2 жил болж байна. Бид гадаадад сурдаг юм л даа. Хүүхэдгүй. Сүүлийн үед миний бэлэг эрхтэн ихээр загтнах боллоо. 1 сарын сүүлээр бас загтнаад байсан. Би 2 сард Монголд амралтаараа очихдоо эмчид үзүүлсэн. Тэгсэн хариу нь умайн хүзүүний шархлаа гэж хэлээд сар уух эм, мөн 2 төрлийн лаа өгсөн. Тэднийг хэрэглэж дуусаад уг нь зүгээр болсон юм л даа. Тэгсэн өчигдрөөс эхлээд дахиад загатнаад байх юм. Яах вэ?. Бэлгийн ариун цэврийг яаж зөв сахих вэ? Би уг нь өдөр бур усанд ордог .. Бохироос болно гэж баймааргүй юм. Би "Ярена" гэдэг Жирэмснээс хамгаалах эм уудаг юм. Надад ямар ч ойлголт мэдэгдэхүүн алгаа яахаа мэддэггүй ээ...Туслаач.
Зөвлөмж : Жирэмслэлтийн эсрэг эм чамд таарахгүй байгаан байна. Чиний умайн хүзүүнд хэт хүчиллэг орчин үүсгээд загтнуулах шалтаг болоод байна. Монголоос хэрэглэж байсан эм лаагаа авчруулж хэрэглэх эмчлэх хэрэгтэй юм байна.
Асуулт ?
Сайн байна уу? Эмчээ би танаас нэг зүйл асуух гэсэн юм. Би одоо 31-тэй. Хүүхэдгүй, нэг талын өндгөвчинд эндометройз гэдэг оноштой. 6 орчим см хэмжээндээ 6 орчим сар болж байна. Үүнийг заавал мэс заслын аргаар авахуулах ёстой юу? Үүнийг уламжлалын аргаар эм ууж алга болгох арга байдаг уу? Хурдан хүүхэдтэй болмоор байдаг. Мөн мазокын шинжилгээгээр байнга л өөрчлөлттэй гарах юм зөндөө л эмчилгээ хийлгэлээ нэмэр байдаггүй. Яах ёстой талаар зөвлөөч.
Зөвлөмж : Өндгөвчний уйланхай киста соривжоод хатуурсан байхаа ЭХО-д харуулсан зургаа сканирдаад явуулаарай. Харин Эсдрадоль, Прогестрон гэдэг гормоны шинжилгээнүүдийг хийлгээрэй. Чиний өндгөвч жирэмсэлтэнд хэрхэн бэлэн байгааг эдгээр дааврууд харуулдаг. Монгол эм Өлзий 18, Юмдүүжинг уугаад байхад өндгөвчний үйл ажилгаа сайжирч уйланхай арилдаг.
Асуулт ?
Сайн байна уу ? Эмчээ би юм асуух гэсэн юм. Миний юм алдагдалтай ирээд байх юм. Уг нь 2 сарын өмнө кистатай өндгөвчний үрэвсэлтэй гээд 10 хоног шарлага тариа хийлгэсэн боловч эргээд бор юм гараад байх юм. Юм ирсэн үед 3 хоног цус түүнээс хойш арваад хоног бор юм гарч байгаад гайгүй болчих юм.
Зөвлөмж : Монгол эм. Шимшим. Өлзий18 гээд эмнүүдийг уухад эргээд хэвийн байдалд орно. Одоо өндгөвчийн үрэвсэл намдсан байхаа. Умайн агшилт сул хэсэгтээ сарын хир гадагшлуулах ажиллагаа удааширч бор өнгөтэй цус гадагшилдаг.
Хүний их эмч Б. БАТ-ОРГИЛ
/ Уншигч та сонирхсон асуултандаа хариулт авахыг хүсвэл Comment үлдээгээрэй. Таны асуултад Хүний их эмч Б. Бат-Оргил хариулах болно. Асуултыг нэгтгэн хүлээн авч хариулах болохыг анхаарна уу /
