Ямар ч төрлийн алим байж болно. 1 кг алимыг бүлээн усанд угааж муудсаныг авч хаяна. Том нүхтэй үрүүлээр үртэй нь хамт үрнэ. Шилэн эсвэл паалантай саванд хийгээд буцалгасан бүлээвтэр ус 1 литрийг алиман дээрээ хийнэ. 100 грамм зөгийн бал эсвэл элсэн чихэр, 20 грамм хатсан хар талх хийж болно. Бүгдийг хольж тасалгааны хэмд харанхуй газарт тавина. Өдөрт 1-3 удаа модон халбагаар хутгана. 10 өдрийн дараа алимыг шүүж, шахаж аваад, 1 литр шүүс тутамд 50-100 гр элсэн чихэр юмуу зөгийн бал нэмж хутгаад, самбайгаар амсрыг нь ороож боон, цаашид эсгэхээр дулаан, харанхуй газарт тавина. Шингэн 40-60 хоногийн дараа тунгалаг шингэн болсон байх болно. Шингэнийг шүүж шилэн саванд хийж төрөл бүрийн өвчинг анагаахад хэрэглэнэ.
Энэ шингэнээр бид нойргүйдэл, өндөр даралттай хүмүүс, гүйлсэн булчирхайн үрэвсэл, хөлийн судас бүдүүрэх, арьсны төрөл бүрийн тууралт зэрэг өвчлөлүүдийг хэрхэн эмчлэх болоод үрэвслийг тухай бүрт нь дарах аргуудыг дараагийн дугаартаа цувралаар хүргэх болно.
Орос хэлнээс орчуулсан Ц. БАТТУЯА
