МОНГОЛ СУДЛААЧ ОРОС ЭРДЭМТЭД

2016-03-26  

Өчигдөр буюу 2016 оны 3 дугаар сарын 25-ны өдөр ОХУ-ын нийслэл Москва хотын М.В.Ломоносовын нэрэмжит Москвагийн их сургуулийн харъяа "Ази&Африкийн улс орнуудын институт" дээр манай монгол улсыг дагнан судалдаг, сонирхдог судлаач эрдэмтэд, оюутан залуус оролцсон эрдэм шинжилгээний хурал боллоо. Хурлын нээлтийн ажиллагаанд тус институтийн захирал доктор, профессор И.И.Абылгазиев, Монгол Улсаас ОХУ-д суугаа Элчин сайдын яамны III дугаар нарийн бичгийн дарга Ц.Сайнсанаа нар оролцож үг хэлэв. Энэ удаагийн эрдэм шинжилгээний хуралд Москва, Санкт-Петербург хотууд, мөн Буриад, Тува, Халимагийн их сургуулийн оюутан залуус хүрэлцэн ирж оролцсон нь онцлог харагдаж байлаа. Өдөр дундаас эхэлсэн хуралд орос, Монголын оюутан залуус Монголын түүх, Чингис хаан, хатад, өнөөгийн манай нийгэмд гарч буй эдийн засаг болон соёлын өөрчлөлтүүд, наадам, буддын шашин, цам, халхын голын дайн, буриад дахь буддын сүм хийд зэрэг төрөл бүрийн сэдвүүдээр сонирхолтой илтгэл тавьж хэлэлцүүллээ. 

Ийм төрлийн эрдэм шинжилгээний хуралд анх удаа оролцож үзсэн миний хувьд монгол орны түүх, өөрчлөлт шинэчлэл, өнөөгийн нийгэмд өрнөж буй аж амьдралыг сонирхон судалдаг багагүй тооны орос судлаачидтай нүүр тулж уулзсандаа битүүхэндээ олзуурхаж явав. Миний бие хурлын төгсгөл үеэр эдгээр монгол судлаачдад зориулан "НҮБ-ын Энхийг сахиулах ажиллагаанд Монгол Улсын Зэвсэгт хүчний оролцоо" сэдвээр танилцуулга хийж, өнөөгийн манай зэвсэгт хүчний хөгжил, бидний даян дэлхийн энх тайван, аюулгүй байдлыг хангах үйл хэрэгт оруулж буй хувь нэмрийн талаар товч яриа хийлээ. Ямар ч байсан энэ сэдвээр тодорхой ойлголт мэдээлэлтэй болсон гэж найдаж байна. Энэхүү эрдэм шинжилгээний хуралд оролцож өөрийн бэлтгэсэн илтгэлийг хэлэлцүүлсэн манай монгол оюутан залуусын орос хэлний мэдлэг төвшинг хараад өөрийн эрхгүй бахархах сэтгэгдэл төрч байв. 

Энд дурдахгүй байхын аргагүй нэгэн явдал тохиосон нь БНМАУ-ын Маршал Чойбалсангийн нэрэмжит 3 удаагийн шагналт, анхны Ардын Уран Зохиолч, ШУА-ийн жинхэнэ гишүүн, XX зууны манлай соён гэгээрүүлэгч,орчин цагийн Монгол хэлний дүрмийг үндэслэгч эрдэмтэн, орчуулагч, зохиолч Цэндийн Дамдинсүрэн агсны охин Анна Дамдиновтай таарч хамтдаа дурсгалын зураг татуулсан явдал юм. Нас сүүдэр нэлээд дээр гарсан ч яриа тод, хөдөлгөөн хөнгөн ануухан буурай байна.

 

 

ОХУ-ЫН МОСКВА ХОТООС  Р. ЭНХБОЛД

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Гүрээ:Орост суралцаж байгаа хүүхдүүд мэдлэгийг бол үнэхээр олон янз хэлбэрээр олж авдаг. Сайн ч боловсрол олгодог улс орон.Манайхан суралцах зүйл их бий. Одоогийн боловсролын систем бол аль үеэ өнгөрөөсөн 2016-03-26
Пүрэв:Монголын маань судладаг эрдэмтэд байна гэдэг сайхаан 2016-03-27
Төстэй мэдээ
Шинэ мэдээ
Санал асуулга
ТА СЭТГЭЛ ЗҮЙН ОНЛАЙН СУРГАЛТАНД ХАМРАГДАХ ХҮСЭЛТЭЙ БАЙНА УУ ?