Дэлхийн аварга Герман машинууд Европын аварга шалгаруулах тэмцээний C хэсэгт Польш, Ирланд, Украйны багуудтай оноолт таарсан. Өчигдөр шөнө Герман Украйны багууд хэсгийнхээ эхнийхээ тоглолтыг Лил хотын Пьерре Мауро цэнгэлдэхэд хийлээ. Тони Кроосын чөлөөт цохилтоос хийсэн дамжуулалтаас Мустафи мөргөн тоглолтын эхний гоолыг оруулсан.
Эхний үеийн төгсгөлрүү хийсэн Украйнчуудын гоолыг хажуугын шүүгч отон тоглолт гэж үзсэн бөгөөд тэд энэ тэнцүү тоглолт үзүүлэж байсан боловч харамсалтай нь гоол оруулж чадсангүй. Шүүгчийн мэдлийн нэмэлт цагт Германы дугаар 7 Бастиен Швайнштайгер Өзилийн хөндлөн дамжуулалтыг гоол болгон хожлоо баталгаажуулсан.
С.БАЯНМӨНХ
