Бразилийн Рио де Жанейро хотноо ирэх наймдугаар сарын 5-21-нд болох Зуны Олимпийн XXXI наадамд Монголын 42 тамирчин спортын 9 төрөлд өрсөлдөх билээ. Та бүхэнд Монголын баг тамирчдын тэмцээний хуваарийг өдөр бүрээр танилцуулбал :
Наймдугаар сарын 5
Байт харваа : Ж. ГАНТӨГС -Эрэгтэйчүүдийн ганцаарчилсан урьдчилсан харваа. Энэ төрөлд оролцох 64 харваач 70 метрийн зайд 6 сумаар 12 цуврал харвах бөгөөд нийт авсан оноогоор 1-64 байрт эрэмбэлэгдэнэ. Хасагдах шатанд урьдчилсан харваанд 1-т орсон тамирчин 64-т орсонтой, 2-т орсон нь 63-т орсонтой гэх мэт оноолтоор харвах юм.
Наймдугаар сарын 6
Бокс: 48 кг жинд Г. ГАН-ЭРДЭНЭ, 60 кг-ийн жинд Д.ОТГОНДАЛАЙ нар тулалдана. Боксын хувьд сугалааны дараа хэдэнд, хэнтэй тулалдах нь тодорхой болно.
Буудлага: хийн урт бууны дасгалд Г.НАНДИНЗАЯА буудна.
Жүдо: Эрэгтэйчүүдийн 60 кг-д Ц.ЦОГТБААТАР, эмэгтэйчүүдийн 48 кг-ийн жинд М.УРАНЦЭЦЭГ нар барилдана. Жүдогийн медалийн эзэд өдөртөө тодордог тул энэ өдөр Монголын баг Риогоос эхний медалиа авах, бүүр Олимпийн аваргынхаа тоог нэмэх боломж ч бий.
Наймдугаар сарын 7
Бокс: 60 кг-д Д.ОТГОНДАЛАЙ, 69 кг-д Б.ТҮВШИНБАТ
Жүдо. Эрэгтэйчүүдийн 66 кг, Эмэгтэйчүүдийн 52 кг-ийн жингийн медалийн эзэд тодрох бөгөөд манайхаас Д.ТӨМӨРХҮЛЭГ, А.ЦОЛМОН нар барилдах юм.
Буудлага: Эмэгтэйчүүдийн 10 метрийн хийн гар бууны дасгалд О.ГҮНДЭГМАА, Ц.МӨНХЗУЛ нар цэц сорино. Үдээс өмнө урьдчилсан буудлага, үдээс хойш финал болно.
Наймдугаар сарын 8
Бокс: 49 кг-ийн жинд Г.ГАН-ЭРДЭНЭ, 69 кг-ийн жинд Б.ТҮВШИНБАТ
Жүдо: эр 73 кг-ийн жинд Г.ОДБАЯР, эм 57 кг-ийн жинд Д.СУМЬЯА нар барилдана.
Наймдугаар сарын 9
Бокс: 60 кг: Д.ОТГОНДАЛАЙ
Жүдо: Эр 81 кг-д О.УУГАНБААТАР, эм 63 кг-д Ц.МӨНХЗАЯА
Буудлага: Эмэгтэйчүүдийн спорт гар бууны төрөлд О.ГҮНДЭГМАА, Ц.МӨНХЗУЛ нар цэц сорино. Үдээс өмнө урьдчилсан буудлага, үдээс хойш финал болно.
Наймдугаар сарын 10
Бокс: 56 кг-д Э.ЦЭНДБААТАР
Жүдо: эр 90 кг-д Л.ОТГОНБААТАР, эм 70 кг-д Ц.НАРАНЖАРГАЛ
Наймдугаар сарын 11
Бокс: 56 кг-д Э.ЦЭНДБААТАР, 64 кг-д Б.ЧИНЗОРИГ, 69 кг-д Б.ТҮВШИНБАТ
Жүдо: -100 кг-д Н.ТҮВШИНБАЯР, эм -78 кг-д П.ЛХАМДЭГД
Буудлага: Эмэгтэйчүүдийн урт бууны төрөлд Г.НАНДИНЗАЯА
Усанд сэлэлт: Эрэгтэйчүүдийн 50 м чөлөөт сэлэлтийн урьдчилсан уралдаанд Б.ДӨЛГӨӨН
Наймдугаар сарын 12
Бокс: 60 кг-д Д.ОТГОНДАЛАЙ
Жүдо:+100 кг-д Б.ТЭМҮҮЛЭН
Хүндийг өргөлт: Эмэгтэйчүүдийн 75 кг-ийн жинд М.АНХЦЭЦЭГ хүч сорих бөгөөд медалийн эзэд тодорно.
Усанд сэлэлт: Эмэгтэй 50 м чөлөөт сэлэлтийн урьдчилсан уралдаанд Б.ЕСҮЙ
Наймдугаар сарын 13
Бокс: 52 кг-д Х.ЭНХ-АМАР, 69 кг-д Б.ТҮВШИНБАТ
Наймдугаар сарын 14
Бокс: 56 кг-д Э.ЦЭНДБААТАР, 60 кг-д Д.ОТГОНДАЛАЙ, 64 кг-д Б.ЧИНЗОРИГ
Хөнгөн атлетик: Эмэгтэйчүүдийн марафон: Л.ОТГОНБАЯР, Б.МӨНХЗАЯА нар хурд сорино.
Наймдугаар сарын 15
Бокс: 52 кг-д Х.ЭНХ-АМАР, 69 кг-д Б.ТҮВШИНБАТ
Наймдугаар сарын 16
Бокс: Д.ОТГОНДАЛАЙГИЙН өрсөлдөж буй 60 кг-ийн финал. 56 кг-д Э.ЦЭНДБААТАР, 64 кг-д Б.ЧИНЗОРИГ
Наймдугаар сарын 17
Бокс: Б.ТҮВШИНБАТЫН 69 кг-ийн жингийн финал. 52 кг-д Х:ЭНХ-АМАР
Тэквондо: Эрэгтэйчүүдийн 58 кг-ийн жинд П.ТЭМҮҮЖИН өрсөлдөх бөгөөд тус жингийн медалийн эзэд тодорно.
Чөлөөт бөх: Эмэгтэйчүүдийн 58 кг, 69 кг-ийн жинд медалийн эзэд тодорно. Манай П.ОРХОН, О.НАСАНБУРМАА нар хүч үзэх юм.
Наймдугаар сарын 18
Бокс: 56 кг-д Э.ЦЭНДБААТАР
Чөлөөт бөх: Эмэгтэй 53 кг, 63 кг-ийн жингийн медалийн эзэд тодорно. Манай Э.СУМЬЯА, С.БАТЦЭЦЭГ нар барилдана.
Наймдугаар сарын 19
Бокс: 64 кг-ийн жинд Б.ЧИНЗОРИГ
Чөлөөт бөх: Эрэгтэйчүүдийн 57 кг, 74 кг-ийн медалийн эзэд тодрох бөгөөд манайхаас Э.БЭХБАЯР, П.ӨНӨРБАТ нар барилдах юм.
Наймдугаар сарын 20
Бокс: Э.ЦЭНДБААТАРЫН тоглож буй 56 кг-ийн жингийн финал
Чөлөөт бөх: Эрэгтэй 86 кг-д О.ҮЙТҮМЭН, + 125 кг-ийн жинд Ж.ЧУЛУУНБАТ нар барилдах бөгөөд эдгээр жингийн медалийн эзэд тодорно.
Наймдугаар сарын 21
Бокс: Х.ЭНХ-АМАР, Б.ЧИНЗОРИГ нарын тоглож буй 52 кг, 64 кг-ийн жингийн финал.
Чөлөөт бөх: Эрэгтэй 65 кг-д Г.МАНДАХНАРАН, 97 кг-д Д.ХҮДЭРБУЛГА нар барилдах бөгөөд эдгээр жингийн медалийн эзэд тодорно.
Хөнгөн атлетик: Эрэгтэй марафон гүйлтэд Б.СЭР-ОД, Д.ГАНТУЛГА, Ц.БЯМБАЖАВ нар хурд сорино.
P.S: Ийнхүү 16 хоног үргэлжлэх Олимпийн наадмын дэвжээнд Монголын баг тамирчдаа өдөр бүр харж, уухайлан дэмжих магадлал бий бөгөөд наймдугаар сарын 6, 7, 8, 9, 10, 11, 12,14,16,17,18,19,20,21-ний өдрүүдэд буюу 14 өдөр нь медалийн төлөө манай тамирчид өрсөлдөх шаанс ч байна.
Эх сурвалж : Unuudur.mn
