Рио-де-Жанейро хотноо өнөөдөр боксын тэмцээний сугалаа явагдаж, Ази тивийн болон Азийн наадмын аварга Д.Отгондалай, ОУХМ Г.Ган-Эрдэнэ нар дэлхийн чансаанд эхний наймд бичигдэж байгаа учраас эхний тойрогтоо гоц мөргөж шилдэг 16-д үлдлээ. Энэ удаагийн олимпийн наадмын боксын тэмцээний нэг онцлог нь нэгдсэн жин бус тоглолт бүрийн өмнө жин үзэхээр болжээ.
Боксын сугалааг эхний байдлаар танилцуулъя
49кг : ОУХМ Ганхуягийн Ган-Эрдэнэ
Эхний тойрогт гоц мөргөж, шилдэг наймд үлдэх хоёр дахь тоглолтоо наймдугаар сарын 8-нд хийнэ.
52кг : Хархүүгийн Энх-Амар
Эхний тоглолтоо наймдугаар сарын 13-нд хийнэ.
56кг : Эрдэнэбатын Цэндбаатар
Эхний тоглолтоо наймдугаар сарын 10-нд хийнэ.
60кг : Доржнямбуугийн Отгондалай
Дэлхийн чансаанд аман хүзүүдэж байгаа учраас шууд гоц мөргөж 16-д үлдсэн. Шилдэг наймд үлдэх тулаанаа наймдугаар сарын 9-нд Нидерланд-Тайваний боксчны аль ялсантай нь тоглоно.
64кг : Баатарсүхийн Чинзориг
Эхний тулаанаа наймдугаар сарын 10-нд хийнэ.
69кг : Бямбаагийн Түвшинбат
Наймдугаар сарын 7-нд хийнэ
Эх сурвалж : MNB