МУГТ М.Уранцэцэг хүрлийн төлөө Японы Кондо Амитай барилдаж, цаг дуусах мөчид юүко алдан ялагдлаа. Ийнхүү Уранцэцэг тавдугаар байрт шалгарсан бол түүнтэй нэг жинд Казахстан улсын нэр дээр барилдсан Г.Отгонцэцэг мөн дагах барилдаан хийж Кубын Даярис Местре Алварезийг цэвэр ялснаар хүрэл медаль хүртлээ.
Ингээд Аргентиний бөх Паула Парето аваргын алтан медалийг зүүж, манай М.Уранцэцэгийг ялсан БНСУ-ын бөх Жён Бо Киён мөнгөн медаль авсан юм.
Өнөө орой 22 цагаас эхлэх эрэгтэй 66 кг-ийн жинд манай Д.Төмөрхүлэг Саудын Арабын бөхтэй, эмэгтэй 52 кг-ийн жинд А.Цолмон АНУ-ын бөхтэй барилдаж тэмцээнээ эхэлнэ.
Ц.БАТТУЯА
