Манай жүдоч Г.Одбаяр гуравдугаар шатанд АНУ-ын туршлагатай бөх Ничолас Делпополотой барилдлаа. Энэ удаа хоёр бөхийн барилдаан үндсэн цагт тус бүр хоёр торгуультай тэнцсэн. Улмаар нэмэлт цаг сунгаж, манай бөх санаачлагатай сайн барилдсан ч хариу мэхэнд орж вазари үнэлгээ алдснаар хэсгийн аваргын төлөө өрсөлдөх эрхгүй боллоо.
Тэгвэл Д.Сумъяа хэсгийн аваргын төлөө Португалын Телма Монтейог нэмэлт цагт торгуулиар яллаа. Шигшээ барилдаан шөнийн 03.30 цагаас эхэлнэ.
Д.Сумъяа мөнгөн медалийн төлөө "Лондон 2012" олимпийн аварга, дэлхийн хошой аварга Японы алдарт бөх Каори Мацүмотой барилдана.
Э.ОТГОНЖАРГАЛ