Олимпийн аварга. Ийм нэртэй, зорилтот нэгэн төслийг япончууд эхлүүлээд удаж буй юм байна. Энэ төсөлд эрэгтэй, эмэгтэй хоёр япон хүүхдийг шалгаруулж, эртнээс эхлүүлсэн түүхтэй аж. Эрэгтэй нь зорилгоо биелүүлж, уран гулгалтаар аль хэдийн олимпын аварга болжээ. Эмэгтэй нь одон бөмбөгчин Фукухара. Тэр хараахан олимпийн аварга болж чадаагүй юм. Түүний бөгөөд тэдний саад нь Хятадын одон бөмбөгчид юм. 2012 оны Лондонгийн олимпоор Японы эмэгтэй шигшээ хятадуудад л хожигдож олимпийн мөнгө хүртэж байсан. Харин хувийн үзүүлэлтээр Фукухара дээшилсээр. Тэр шилдэг дөрөвт үлдэж, хүрэл медалийн тоглолтод Хойд Солонгосын теннисчинд харамсалтайгаар ялагдлаа. Гэхдээ тэр юу чаддаг бүхнээ хийж, эцсийн хүчээ шавхсан. Энэ удаад олимпод аваргалж чадаагүй ч, 2020 онд түүний эх оронд Олимп болно. Дахиад 4 жил, тасралтгүй бэлтгэл хийх 1400 хоног түүнийг болон түүний багийг хүлээж байна.
Э.ЦЭНД
