Лхас хотод нээгдсэн өрнөдийн хурдан хоолны анхдагч нь KFC боллоо. Төвдийн нийслэл Лхаст байрлах Шэнли Шидай худалдааны төвд KFC салбараа нээлээ. Мартын 8-нд нээсэн KFC-д хооллох хүмүүс урт дараалал үүсгэжээ. Хүүхдүүд рестораны өмнө зураг хөргөө татуулж, хөл хөөр болсон нээлт боллоо. гэж орон нутгийн хэвлэлд мэдээлжээ. Түргэн хоолны газрыг нээсэн Шэнли Шидай худалдааны төвийн менежер Чин Биао " Хэрэглэгчид шаржигнуур тахианы мөч, гамбургерийг маш их таалж байна" гэж дурдлаа. Мөн KFC нээгдсэн нь жуулчлалыг хөгжүүлэх, Төвдийг зорин ирэх гадаадын жуулчдад маш таатай мэдээлэл юм гэж нэмж хэллээ. KFC нь өрнөдийн худалдааны салбар орж ирэх, өрнөдийн соёл нэвтрэх өргөн чөлөөг нээж өгч байна гэж мэргэжилтнүүд дүгнэж байна. KFC анх 1987 онд Хятадад нэвтэрсэн бөгөөд, одоогоор тус улсын 1100 хотод 5000 салбартай юм байна.
Ц. ХИШГЭЭ